الحلقه الثامنه عشر
وقف والد جهاد لحظات من الذهول من زياره مصعب فى هذا الوقت ولكن
ابو جهاد:مصعب اتفضل
مصعب:فى البدايه انا اسف انى جيت من غير معاد وانى جاى فوقت بدرى كده بس انا عرفت من سلمى ان الانسه جهاد تعبانه شويه وصمت مصعب قليلا
ابو جهاد:ايوه فعلا ياابنى دا مبقتش بتاكل ولا تتكلم
مصعب:ا ا ا
ابو جهاد:خير ياابنى عاوز تقول حاجه
مصعب:انا مش عارف اطلب من حضرتك الطلب دا ازاى بس يعنى لو ينفع اتكلم معاها 10 دقايق بس
ابوجهاد:وبعد فتره من التفكير ثوانى اشوفهالك
ودخل وطرق على غرفه جهاد ودخل
ابوجهاد:جهاد مصعب بره وعاوز يقابلك
جهاد:ولم تبدى اى تعبير لما قاله والدها كانها لم تسمع
فتدخلت شروق :جهااااد مصعب بره قومى معايا البسى قابليه
والبست شروق جهاد ملابسها وخرجت معها ومع ابيها فتفاجأ مصعب من منظر جهاد وحالها وجلست جهاد على الكرسى المجاور لكرسى مصعب وحينما اهم الاب ان يذهب
مصعب:لا ياعمى انا مينفعش اعد معاها لوحدى ياريت حضرتك متمشيش
ابوجهاد:هجيب جرنالى واقعد جمبكم هنا واشار الى كرسى فى اخر الصاله
مصعب:انسه جهاد انا جاى انهرده مخصوص عشان اتكلم معاكى فحاجات يمكن صعب عليا اتكلم فيها وعليكى تسمعيها بس لازم واحد فينا يفوق التانى وبما ان انا السبب فى اللى حصلك فانا مجبر اصلح اللى كسرته اولا انا على مااظن انك عرفتى ان انا اللى بعت الرساله وبكده خطيت تانى خطوه من خطوات الشيطان وهوى النفس الخطوى الاولى انى كنت بسمع اى حاجه تخصك وادخل على الفيس بتاعك واتابع كلامك وتانى خطوه مقدرتش اقاوم نفسى الاماره بالسوء وبعتلك الرساله لا ومش بس كده لا ونشرتها على حسابى عشان لو بتفتحى تشوفيها وتعرفى ان انا اللى بعتها وبكده كنت بعلقك بيا وكنت بأذيكى وكنت بتبع هوى نفسى وبكده علقت قلبى بيكى وعلقت قلبك بيا ومش دا اللى اتخلقنا عشانه ولا دا حق عبادتنا لله احنا اللى وصلناله من ذنوبنا من معصيتنا لله من تكبرنا على الله والسخط عليه ربنا امرنا نبعد عن الفتن واحنا كنا بنجرى عليها يمكن كنت بقول لنفسى دا تصفح عادى لحسابها ماهو زى اى حساب على فيس تانى بس كنت بكدب على نفسى وبعتلك الرساله بنيه ادخال السرور عشان اكدب على نفسى واتبع هوى نفسى ماهى النيه الصالحه لا تبيح العمل الباطل انا اسف علقتك بيا وعلقت نفسى بيكى بس انا بوعدك وبوعد نفسى ياجهاد ان خلاص قلبى هيكون لله وبس وعمرى ماهفكر فيكى ولو للحظه غير لما تكونى حلالى انا اتجرءت على ربنا كتير قوووى وجيت انهرده والوقتى اعتذرلك لان انا سبب ازاكى وعاوزك تسامحينى ممكن تسامحينى ياجهاد
جهاد:ولاول مره منذ عده ايام يظهر على ملامحها اى تعبير فكت ثم قالت سامحتك وانت كمان سامحنى
وعندما سمعها والدها تتحدث لم يصدق اذنه وذهب مسر عا ولكن قاطعه مصعب
مصعب:انا اسف لتانى مره عن اذن حضرتك وذهب مصعب الى عمله
ودخلت جهاد الى غرفتها صامته ولكن كلام مصعب كان له اثر عليها
ام جهاد:الراجل محترم ودكتور يعنى المستقبل ادامه والبت عاوزاه ياابو جهاد
ابو جهاد:والله مابقيت قادر افكر شئ جوايا يقولى وافق وشئ يقولى بنتك هتتعب من الفقر والبهدله
............
وفى مساء اليوم التالى طرق االباب فى منزل سلمى فتح مصعب الباب ودخل الضيوف فكان والد اياد وشيخه
والد اياد:انا عارف انكم مش عارفنى ومستغربين الزياره
ابو سلمى:تنور فى اى وقت
ابواياد:انا جاى فموضوع خير بإذن الله
مصعب:خير
ابو اياد:الاول انا الدكتور لطفى مصطفى صاحب شركات ادويه ..
مصعب:اهلا وسهلا خير يادكتور
ابو اياد:انا جاى انهرده اطلب ايد الانسه سلمى لابنى اياد
ابو سلمى:وهو دا اياد واشار الى الشيخ
ابو اياد:لا دا الشيخ بتاع اياد اصل اياد ميعرفش انى جاى هنا
مصعب:ازاى جاى تخطب لابن حضرتك بدون علمه
ابو اياد:بص يابنى اياد ابنى الوحيد ورافض اى حاجه او مساعده منى وانا عرفت انه عاوز يخطب الانسه سلمى بس ساكت عشان لسه بيدرس وعشان مياخدش حاجه منى فقلت اجى اخطبهاله واعملهاله مفاجاه
مصعب:يادكتور كلامك على عينى وراسى بس اولا لازم سلمى تشوفه وتتكلم معاه
ابو اياد:سلمى عارفاه
مصعب:عارفاه ازاى يعنى
ابو اياد:معرفش بس دا اللى فهمته من كلامه مع والدته
مصعب:لا ياما حضرتك جيت غلط او فهمت الموضوع غلط سلمى مبتكلمش شباب
شيخ اياد:يادكتور مصعب الدكتور لطفى مش قاصد اللى وصلك قصده انها عارفاه لانهم زمايل عارفه اسمه شكله وهكذا
مصعب:-اه تمام بس مينفعش نخطبها لواحد لسه بيدرس
ابو اياد:كل طلباتكم اوامر لو عاوز شبكه بمليون جنيه هجهالها
مصعب:ابتسم وقال يظهر يادكتور انك فاهم غلط مش عشان احنا على اد حالنا يبقى معنى كده ان اختى للبيع احنا الفلوس اخر تفكرنا اختى عاوزه راجل ملتزم بشرع الله بتقى ربنا فيها بس ولا مال ولا شبكه ولا حاجه تانيه تفرق
ابواياد:اياد بيحفظ قرآن وبيذاكر حاجات وكتب دينيه
مصعب:ان شاء الله لما بخلص تعليمه لو ليهم نصيب فبعض ربنا هيكرمهم
الشيخ:بس يادكتور متنساش يامعشر الشباب من استطاع منكم الباء فليتزوج
مصعب:الزمن غير الزمن ياشيخ
ازاى اجوزها واحد مبيشتغلش واهله يصرفو عليهم
ابو اياد:تعال شوف الشريكات والبيت كل حاجه ملك لاياد انا ماليش غيره ولا ولد ولا بنت
مصعب:لتانى مره اختى مش للبيع
ابو اياد:طيب نحجزها لحد مايخلصو ويشتغل
مصعب:مقدرش يادكتوراحجز اختى لعريس ميعرفش انها محجزاله وغير كده ربنا مقلب قلوب افرض قلب قلب ابنك على واحده تانيه اظلم اختى وقتها ليه
ابو اياد:طب والحل
مصعب:والله لو ليهم نصيب هيكونو لبعض
واستأذن الجميع ولكن استمعت سلمى الى كل الحديث ويااااا له من اثر على قلبها ودخل مصعب فارتبكت سلمى
مصعب:سلمى انتى فعلا تعرفى اياد دا
سلمى:اعرفه ازاى يعنى
مصعب:معرفش انا اللى بسأل
سلمى:هو زميلى فعلا بس متكلمتش معاه خااالص واول مره اعرف انه غنى كده او انهم اصحاب شريكات وكده
مصعب:انتى زعلانه انى رفضت انا رفضت عشانك
سلمى:عارفه ياحبيبى وبعدين فعلا انا مش سلعه للبيع انا حسيت انى بضاعه بيبيعو ويشترو فيا
وقبل مصعب راس اخته واتجه للخارج
مصعب:بابا انا اسف انى اتكلمت بدون اذن حضرتك
الاب:بالعكس ياابنى انت قلت كلام مكنتش ااقدر ارد بيه زيك وانا عمرى كله ربيتكم عشان احس انك سند اختك وضهرى وانهرده الحمد لله حسيتها
مصعب قبل يد والده واتجه للبلكونه ووقف يستنشق الهواء فإذ بصوت مرتفع ينادى
بلال:مصعب يامصعب
مصعب:بلال نعم
بلال:انزل
مصعب:انا مش قادر والله يابلال اطلع نعد على السلم
عبدالله:سلم ايه كووووره
مصعب:هغير وانزل
وضحك كل من بلال وعبدالله مش كان ميت ساعه لعب الكورةفاق ونط ونزل
مصعب:سامعكم وهكسبكم واظبطكم ونظرا لانها منطقه شعبيه فمن الطبيعى ان يلعب الشباب الكورة فى وسط الشارع ولعب مجموعه من الشباب الكوره ولكن شعرو بتاخر الوقت فذهب كل منهم الى منزله
سلمى:مين كسب
مصعب:بلا فخر طبعا طبعا مش اخوكى
سلمى:هههههه نفسى مره ياشيخ تحرجنى وتقول انا وبتلعب وتتهد وتطلع تنام زى الفسيخه ولا بتكسب ولا حاجه
مصعب:فسيخه سفاج الفاظك بيئه مش مستواى ارد عليكى
سلمى:اخذت المخده كعادتهم ولكن شعر مصعب بها وجرى وجرت ورائه وتعالت ضحكاتهم ونسى كل منهم همومه
وبعد قليل دخل كلا منهم عالمه الخاص
فبعد منتصف الليل موعد المحبين موعد من لهم حال مع الله فاتجه كل منهم ولكن على حده الى صلاته
سلمى:يااااارب متعلقش قلبى غير بيك ياااااارب ان كنت تعلم ان قربه منى خير فلا تقربه منى الا بالحلال وان كنت تعلم ان قربه منى شر فاللهم بقدرتك وعظمتك وقوت تدبيرك اجعل الشر خير ويسر لنا حلالك وظلت تناجى ربها طوال الليل
ومصعب ايضا اقام صلاته ولكن كان ذلك اليوم هناك اختلاف فى المناجاه فكل ليله كان يناجى الله بجهاد وان يجمعهم الله وييسر لهم ذلك اليوم دعى مصعب قائلا
يااارب عبدك فقير ملئ ذنوب وخطايا ياااارب يامن تحب عوده عبدك اليك اقبلنى فى زمره الصالحين واغفر لى ماصدر منى فى حقك واغفر لى ذنوبى وقله حيلتى ياااارب عصيتك ولكنك رب غفور رحيم يااارب يامجيب الدعاء وغافر الذنب وقابل التوب اغفر لى وطهر قلبى وانهى مصعب صلاته ولكنه عاد مصعب مره اخرى عاد مصعب الذى يسيطر على شهواته الذى رضى الرحمن غايته ولا يرضى احد غير الله
وفى تلك الليله ايضا قامت جهاد وصلت وتضرعت الى الله ان يتوب عليها ويغفر ذلاتها وذنوبها وتعلق قلبها بغيره وان ييسر. الله لهم الحلال
وفى نفس تلك الليله كان هناك منزل ايضا يقوم الليل وهو منزل ضحى واسامه ولكن قبل القيام بقليل
ضحى:اسامه عاوزه منك طلب غريب شويه ومتزعلش منه
اسامه:اناعمرى ماازعل من حياتى
ضحى:بتحبنى
اسامه:لا بموت فيكى
ضحى :ابتسمت قائله طيب تحب انى اتعذب وادخل النار
اسامه:لا طبعا
ضحى:طيب انا سمعت شيخ بيقول ان لازم نتوب على علاقتنا قبل الزواج وايام الجامعه لان ربنا ممكن يعاقبنا بيها حتى لو اتزوجنا ان حياتنا تكون هم وتعب
اسامه:اه وبعدين
ضحى:ممكن وانت بتصلى تدعى ربنا بكده وانا اامن وراك وعشان خاطرى من جوه قلبك
اسامه:ابتسم وقال لها حاضر يالا بقى عشان نصلى واناملى ساعتين
ضحى:ارتدت اسدالها وقامو ليلهم
ولكن اسامه كان يخفى سرا عن ضحى فهو ايضا علم ان علاقتهم قبل الزواج محرمه حتى بعلم اهلهم وايضا اثناء الخطوبه فهو اجنبى عنها وكان يتصدق يوميا ولو بجنيه بنيه ان يغفر الله لهم ما مضى ويبارك لهم فى زواجهم
.......
وفى المساء وبعد منتصف الليل وفى منزل اياد وظن الاب والام انا اياد نائم ولكنه كان مسيقظ ليعد نفسه لصلاه القيام فسمع مادار
الام:ه عملت ايه مطلبتنيش تطمنى
الاب:والله انا غلبت فيهم عشان يوافقو موفقوش برده
الام:وسلمى دى حلوه شوفتها
الاب:شوفتها ازاى ماابنك قايلك انها لابسه نقاب
الام:اه صحيح ورفضو ليه
الاب:عشان لسه فى التعليم وعشان اياد ميعرفش
ودخل اياد قائلا:معرفش ايه وايه علاقه سلمى بالموضوع
ارتبك الاب والام ولم يستطيعا الكلام
اياد:بابا انت روحت بيت سلمى
الاب:انا عاوز سعادتك ورحت اخطبهالك
اياد:بس هما رفضو يابابا
وخرج اياد مسرعا ولاول مره ياخذ مفاتيح عربته ويقودها
...........
وفى نفس التوقيت ولكن فى منزل جهاد
جهاد كانت تصلى وتبكى وتتضرع الى الله وسمعها والدها ودخل غرفته
الاب:ام جهاد انا غلطان فعلا فحق جهاد ولا اللى عملته دا الصح
الام:والله ماانا عارفه انا بقول الولد محترم وراجل وعارف ربنا وهى عاوزاه واحنا اول مااتجوزنا مكناش كده
الاب:بس الزمن غير الزمن
الام:ماهو الزمن دا صعب تلاقى راجل يحافظ على بنتك فيه
واثناء حادثهم معا سمعو صراخ شديد لجهاد فزعا الاب والام اليها
.........
وفى ذلك الوقت كان مصعب يصلى ويتضرع الى الله واثناء صلاته لم يتوقف هاتفه عن الرن ولكن مصعب عند لقاءه مع ملك الملوك يقوم بوضعه صامت ولكن المتصل كان مصر على العثور على مصعب فظل يطلب على تليفون المنزل الى ان اسرع مصعب وقطع صلاته خوفا ان يوقيظ الهاتف والده وياااا له من بر يامصعب
مصعب :السلام عليكم
المتصل:عليكم السلام دكتور مصعب
مصعب:ايوه مين
المتصل:احنا المستشفى يادكتور احنا اسفين دى مش نبطشيتك بس فى حادث فظيع والحالات حرجه ودكاتره الجراحه مش على عدد المصابين
مصعب:10دقايق واكون عندكم
واغلق مصعب الهاتف واسرع فى النزول الى انقاذ ارواح الناس
.......
وفى منزل اياد وبعد ثلاث ساعات من خروج اياد من المنزل
الام:اياد اتاخر قوووى اول مره انا قلقانه
الاب:متقلقيش واخد مفتاح العربيه اكيد مبسوط بيها وبيلف مع اصحابه
الام :لا قلبى واجعنى
ويرن هاتف المنزل
الاب:السلام عليكم
المتصل:منزل اياد
الاب:ايوه مين
الاب:ترك الهاتف ولم يستطيع الحديث
ياترى مين المتصل؟
وجهاد بتصرخ ليه؟
#حورالجنان
#شيماءيوسف
تابعونا
......
....
..
.
ليست هناك تعليقات:
إرسال تعليق