الحلقه الخامسه عشر
وعند هبوط سلمى ومصعب السلم
مصعب:دى مجنونه
سلمى:هههه ياسيدى ما انت اتقدمت لعاقلين كتير
مصعب:هى دايما كده
سلمى:لما بتتوتر مبتعرفش بتعمل ايه انا متاكده انها بليل هتقعد تعيط وتقول ايه اللى انا عملته دا
مصعب:اول مره اتقدم لوحده كده
سلمى:ازاى
مصعب:-يعنى انا كنت متخيل انها هتعد مكسوفه ومتردش وكده
سلمى:-ماانت اتقدمت للبنات اللى بتعد كده ياانت رفضتهم او هما رفضوك وعادى لو مش موافق انا وجهاد عمرنا ماهنخسر بعض
مصعب:انا مرفضتش لسه هصلى استخارة الاول
سلمى:بس مبدائيا رافض
مصعب:لا بس خايف من الشخصيه حاسس انها هستريه او بتتكلم من غير ماتفهم كلامها او تعقله الاول
سلمى:سبحان الله ودى اكتر حاجه بحبها فجهاد
مصعب:هصلى ونشوف
سلمى:ربنا يعملك الخير اينما كان
مصعب:ياااارب
........
وفى ذلك الوقت ذهبت ضحى واسامه للطبيب لمعرفه صحه الحمل والعنايه به وطمانهم الطبيب على صحه ضحى وصحه الجنين
ضحى:كان نفسى اروح لدكتورة ست
اسامه:اتحايلت عليكى مرضتيش
ضحى:مسمعتش مامتك قالت ايه عليهم
اسامه:عاوزه تفهمينى ان كل اللى بيولدو عند ست بيموتو
ضحى:لا بس الستات خايبين
اسامه:انتى حره ياضحى انا عملت اللى يريحك
ضحى:اسامه هعمل ايه فالجامعه
اسامه:عادى بعنى الدكتور قال انك كويسه وتمارسى حياتك بشكل طبيعى
ضحى:لا قصدى لما ابقى كلبوزه كده وبطنى كبيره وكده يعنى
اسامه:هههه هتبقى احلى بنت فالكليه كلها
بالا بقى ننام
ضحى:ننام ايه نسيت اتفقنا قوم نصلى ركعتين بس
اسامه:مش قادر ياضحى
ضحى:عشان خاطرى انا والنونو عارف يااسامه نفسى يطلع غيرنا نفسى يتربى صح ويعرف ربنا صح واحفظه القرآن انا بضعف كتير وصحيح همسح قنو ات المسلسلات والافلام
اسامه:ليه بقى مش عاوزه تتفرجى انتى حره
ضحى:انت قلتلى هحاول ودا فتنه عارف سلمى قالتلى ان اى مسلسل او فيلم حرام لان مبيخلاش من ست كاشفه شعرها او تمثيل زوج وزوجه ودا طبعا حرام
اسامه:عموما انا مش قاعد فى البيت اصلا اعملى اللى يريحك بس مش كمان يومين تقوليلى هات حد ينزلهم
ضحى:طيب يالا نصلى
اسامه:ركعتين بس
ضحى:والشفع والوتر
اسامه:امممم ماشى
...........
وفى ذلك الوقت عادى والد اياد الى المنزل
والد اياد:السلام عليكم
الام:عليكم السلام
الاب:امال اياد فين
الام:خرج راح للشيخ يسمع ولا يحضر درس مش فاكره
الاب:طيب صحيح كنتو سهرانين قوووى بليل ليه كده
الام:كويس انك فكرتنى اسكت ياابو اياد انا صحيت عطشانه قوووىرحت اشرب سمعته بيدعى وبيبكى بحرقه قوووى
الاب:ليه؟
الام:بيحب بنت ونفسه يتجوزها وبيدعى ربنا
الاب:طب مااجوزهاله ولو رفضت اجوزه ست ستها
الام:لا دى بيحبها قووووى
الاب:طيب بنت مين
الام:معرفش اى حاجه غير انها زميلته واسمها سلمى
الاب:هاتيلى التفاصيل اسأل عليها ونشوف هنعمل ايه
الام:بص بقى البنت طلعت غنيه فقيره هجوزهاله انامش هكسر قلب ابنى عشان شويه ورق
الاب: يااااا بعد العمر دا كله ولسه معرفتنيش
الام:لا مش قصدى بس يعنى بتقول هسال بنت مين
الاب:بنت ناس محترمه ولا لا اخلاقها كويسه ولا لا كده يعنى داابنى الوحيد لازم اجوزه واحده تصونه
الام:والله كلام اياد عليها يخلي الواحد يحبها
الاب:زى ماقلتلك هاتيلى التفاصيل وانا هتصرف
الام:بليل لما يرجع هساله
الاب:هاتى الاسم بالكامل ومالكيش دعوه
الام:حاضر
الاب:انا هدخل انام بقى تصبحى على خير
الام:وانت من اهله
وبعد ساعتان عاد اياد للمنزل
اياد:ماما لسه صاحيه
الام:من امتى نمت وانت برا
اياد:بس انا قلتلك نانى احتمال اتاخر
الام:انت تقول اللى عاوزه وانا اعمل اللى عاوزاه
اياد:قبل يد امه خلاص تصبحى على خير بقى ادخلى ريحى
الام: انا مش تعبانه
اياد:اممممم عاوزه تتكلمى فايه ياماما
الام:عاوزه اعرف مين مرات ابنى مستقبلا
اياد:هههههه عندك امل عنى ياماما قلتلك هترفضنى هى اصلا مبطقنيش
الام:هى زملتك صح
اياد:ايوة
الام:وشاطره بقى
اياد:ماما دى الاولى على الدفعه السنه اللى فاتت وقبل كده كانت بترتب
الام:ماشاء الله انا هدخل انام اصل تعبانه
اياد:ماانا لسه قايل نامى قالت لا محدث بها نفسه
...........
ابو بلال:عارفين ياولاد مبسوط قوووى اننا رجعنا بلدنا واستقرينا هنا اه فى منطقه تانيه بس بشو ف اصحابى وجيرانى وكمان بياخدونى احضر دروس معاهم وبنصلى الجمعه سوا احساس حلو قوووى
خديجه:اه والله يابابا احلى احساس
بلال:فكرتونى مصعب كان رايح يخطب انهرده عاوز اشوف عمل ايه
خديجه:اطلبه اسئله
بلال:فكره
وطلب بلال مصعب
مصعب:السلام عليكم
بلال:عليكم السلام
مصعب:مين معايا
بلال:شكلك نايم اسيبك تكمل نوم
مصعب:بلال الساعه كام
بلال:الساعه ياااا تصدق مخدتش بالى انا اسف يامصعب
مصعب:ليه هى الساعه كام
بلال:3ونص بس بجد انا كنت فاكرها 12او11
مصعب:ههه بتحصل بتحصل انا كده كده قايم اصلى استخاره
بلال:انا طالبك اشوف عملت ايه
مصعب:-مبدائيا فى قبول من نحيتى بس لسه هصلى واشوف
بلال:ربنا يعملك الخير واسف انى صحيتك
مصعب:داانت كتر خيرك تقريبا المنبه ضرب ومحستش بيه
بلال:ماشى سلام عليكم
مصعب:عليكم السلام
وقام مصعب توضأ وصلى لاستخاره الله فى امر زواجه
.،.........
شروق:جهاد عنيكى ورمت من كتر العايط يرفض ياستى هيجيلك احسن منه
جهاد:مش فكره يرفض او يقبل فكره انى مقدرتش اسيكر على نفسى واسكت انا كنت محضره اسئله كتير قوووى اسئلهاله وكان نفسى اكون مكسوفه زى ماالبنات بتكون انما انا
شروق:انتى كنتى مكسوفه اكتر من اللزوم وانتى عارفه لما بتتكسفى بتعملى ايه
جهاد:خير يمكن ماليش خير فيه
شروق:هو لسه مردش
جهاد:تفتكرى فى واحد مجنون يوافق. بواحده عملت كده دا اول فكره هيقول دى هبله ومبتتكسفش ومبتحسش
ورن هاتف جهاد
شروق:دى سلمى اللى بتطلب
جهاد:ردى عليها وقللها نايمه هى اكيد عارفه انى بعيط وطالبه تطمن
شروق:طيب ماتردى طمنيها
جهاد:لا هقولها ايه احرجتك قدام اخوكى
شروق :سلام عليكم
سلمى:عليكم السلام مش دا موبيل جهاد
شروق:ايوة انا شروق ياسلمى
سلمى:امال فين جهاد
شروق :صمتت نايمه
سلمى:طيب افتحى الاسبيكر
شروق:حاضر
سلمى:جهاد بطلى هبل هو نصيب وافق رفض الدنيا مش هتقف عليه وبالنسبه للى حصل انتى كنتى على طبيعتك ودى احلى حاجه فيكى يعنى ممسلتيش ولا حاولتى تغشى اللى قدامك جهاد انت اختى انا ماليش اخوات بنات واتمنيت تكونى اختى وبتمنى اكون جمبك الوقتى واحضنك واخفف عنك
وفتح باب غرفه سلمى فنظرت سلمى لمصعب ان يخرج لكنه دخل وجلس بل واخذ الهاتف وفتح السماعه الخارجيه ولم تستطيع سلمى ان تقول لجهاد حتى لا تربكها اكثر
جهاد:انا اسفه ياسلمى وهى تبكى بشده انا احرجتك قدام اخوكى وبجد معرفش عملت كده ازاى انا كنت محضره اسئله كتير اسئلهاله وكان نفسى اتعامل زى اى عروسه انا انا حماره مبعرفش اتصرف واى موقف صعب اتحط فيه بغرق بدال ماانجو عارف ياسلمى يمكن دا عقاب ربنا ليا عشان مكنتش ملتزمه الاول
سلمى:بطلى هبل وروحى نامى والصبح نتكلم ونظرت لمصعب
جهاد:مش عاوزه انام خليكى معايا محتجاكى قوووى
سلمى:اممم انا معاكى والله بصى انا هجيلك اول ماالنهار يطلع هتلقينى عندك
جهاد:طيب خليكى معايا على ماتيجى عارفه انا صليت استخاره مع انى عارفه انه هيرفضنى ومعرفش السبب اللى خلانى اصلى اصلا
عارفه ياسلمى انا علقت نفسى قووى باخوكى لما قلتيلى وبالجواز منه فربنا عاقبنى وقالى انتى نسيتى مقلب القلوب اللى ممكن يقلب قلبه فلحظه ويجبهولك عارفه ياسلمى انا تعبانه قوى
سلمى:عشان خاطرى بطلى عايط ولو رفض ياستى حمار وراح وهيجى احسن منه 200مره
نظر مصعب لسلمى بحده
جهاد:ههههههه حلوه حمار وراح دى عارفه انا اللى تاعبنى مش رفضه اللى تعبنى شخصيتى مايرفض عاظى مش نصيبى يمكن يكون جوازنا شر انا شايفه كويس بس حياتنا سوا مش هتكون كويسه انا عارفه دا كويس والله ياسلمى وعارفه ان ربنا بيختار الاصلح بس حاسه بغباء شديد ودا اللى خانقنى
سلمى:الفجر اذن روحى صلى ونامى
واغلقت سلمى الهاتف فاخد مصعب يضربها بالمخدات بقى انا حمار وتجرى وهو يجرى ورائها
مصعب:عارفه لولا انى هتاخر على الصلاه مكنتيش فلتى من ايدى ياجحشه
سلمى:انا جحشه
مصعب:اخوكى الكبير حمار هتكونى ايه غير جحشه
وذهب مصعب لصلاه الفجر وعاد لينام واستيقظ من النوم بشعور غريب بالراحه ففهم مصعب ان هذه رساله بصلاه الاستخاره ولكن قرر ان يصلى مره اخرى وارتدى ملابسه وذهب لعمله كالعاده
.............
وبعد ثلاث ايام
مصعب:اطلبى صحبتك شوفى ردها
سلمى:ماليش فيه تكلب باباها وشوف
مصعب:ياسلمى يعنى لو رفضت يبقى شكلى وحش اطلبى اعرفى بس موافقه ولا لا
سلمى:مش طالبه ومش فاضيه بنضف عشان بابا حبيبى زمانه جاى
مصعب:والله انك غلسه طيب اطلب ابوها ااقوله ايه
سلمى:متجوزتش قبل كده عشان اعرف
مصعب:ايه لوح التلج دا واخذ الهاتف وحاول عده مرات ان يطلب ابو جهاد ولكن يرجع وبعد 5مرات طلب
مصعب:السلام عليكم
ابوجهاد:عليكم السلام مين معايا
مصعب:انا انا مصعب اللى متقدم للانسه جهاد
وكانت سلمى لا تستطيع ان تمسك نفسها من الضحك من منظر وارتباك مصعب
ابو جهاد:ايوه يامصعب اهلا وسهلا
وان سمعت جهاد اسم مصعب خرجت مسرعه من المطبخ لتسمع المكالمه
مصعب:انا انا وصمت قليلا
ابو جهاد:ايوه يابنى خير
مثعب:انا كنت طالب اعرف راى الانسه جهاد موافقه ولا لا
ابوجهاد:انت موافق يعنى
مصعب:دا شرف ليا طبعا ياعمى ان تكون جهاد زوجتى لو وافقه يعنى
ابوجهاد :والله يابنى
مصعب شعر ان جهاد رفضته فصمت ولكن اكمل ابو جهاد حديثه
ابو جهاد:شوف هتجيب اهلك وتيجو امتى نتفق على الاساسيات
مصعب:بجد بجد ياعمو
ابوجهاد:اه طبعا وضحك
مصعب:بابا جاى انهرده من العمره هحدد معاه واكلم حضرتك ان شاء الله
ابوجهاد :ان شاء الله مع السلامه واغلق الهاتف
جهاد:رفض
ابو جهاد:دااجن منك الله يكون فعونهم
جهاد:هما مين
ابو جهاد:ولادكم
جهاد:يعنى وافق وافق ونطت وهى تصرخ وافق وافق
ابو جهاد:لاحظى ان انا وامك موجودين
فجريت جهاد وقبلت ابيها. امها وذهبت مسرعه تصلى ركعتين شكر لله
اما على الجانب الاخر اغلق مصعب الهاتف وقال لسلمى رفضت
سلمى:هههههه كنت واقفه وسامعه كل حاجه ياكذاب
مصعب:جرى وراءها بفوطه يمسك بها ليضربها بها قائلا بتتصنتى على مكالماتى ماشى ماشى ياعفريت العلبه انتى
ودق الباب ودخل الاب بعد ان عاد من العمرى واحتضنه مصعب وجهاد وقصا له ماحدث
فقال الاب على بركه الله اطلبهم نروح بكره
مصعب:حاضر يابابا
سلمى:انت مصدقت ماتصبر لما بابا يرتاح
الاب:ههه مالكيش دعوه انا راحتى انى اخلص منكم اطلبهم يابنى
وطلب مصعب ابو جهاد وحدد معه موعد الغد للذهاب للحديث عن متطلبات الجواز
ياترى ابو اياد هيقدر يوصل لسلمى؟
وهيعمل ايه لو وصل ليها؟
ياترى فرحه جهاد ومصعب هتكمل؟
#حور الجنان
#شيماءيوسف
تابعونا
....
...
..
.
ليست هناك تعليقات:
إرسال تعليق