الحلقه التاسعه والعشرين
وذهب مصعب فى اليوم التالى الى منزل والد جهاد كما طلب منه
مصعب:خير ياعمى حضرتك عاوزنى
ابو جهاد:ويظهر عليه التفكير والارهاق اه جهاد خلصت والنتيجه ظهرت هنحدد الفرح امتى
مصعب:ممكن بعد شهرين عشان تكون سلمى اتجوزت انا كمان عاوز حضرتك فحاجه تخص الجهاز
ابو جهاد :خير
مصعب:حضرتك عارف ان الشقه صغيره فانا كنت عاوز اقترح اقتراح بعد اذنك
ابو جهاد:اتفضل
مصعب:يعنى السفره والنيش مالهمش لازمه يعنى بحس ان النيش دا مالوش لازم ماهو الا عرض ومنظره على الفاضى وكمان المطبخ بتاعناضيق يعنى حضرتك ياريت تجيبو الحاجات اللى على اد الاستخدام بس
ابو جهاد:بس يابنى كده هظلم جهاد
مصعب:ليه؟
ابو جهاد:عشان جهاز اختها غيرها
مصعب:مظنش جهاد تفكرها مختلف عن تفكيرى واصلا شرعا المفروض العريس اللى يجهز بس عشان الغلاء فاهل العروسه تكرما منهم بيساعدو يعنى حضرتك مش مجبر تجيب حاجه اصلا
ابو جهاد:هسأل جهاد لو وافقت خلاص اللى يريحك
ودخل الاب الى الداخل وايقظ جهاد من نومها
الاب:انتى متعرفيش ان جوزك بره
جهاد:اه انت عاوزه
الاب:طب قومى قابليه
جهاد:مش انت عاوزه يابابا سبنى انا انام ووضعت المخده على رأسها
الاب:طب بصى مصعب عاوز ميجبش نيش واننا نجيب جهاز على اد الاستخدام وبس وبيقول انها منظره فارغه رائيك ايه وبصراحه
جهاد:بجد يابابا
الاب:ايوة
جهاد:اكيد موافقه وكمان كده موضوع شروق اتحل هلبس واخرج حالا يابابا
وخرج الاب :تمام يامصعب اللى تشوفه يابنى هى وافقت
مصعب:طيب هستأذن انا عشان عندى شغل
الاب:دا جهاد بتلبس وخارجه
مصعب:معلش اعتذرلها لان يدوب الحق الشغل
وذهب مصعب قبل خروج جهاد فرغم حله للمشكله الا انه غاضب من سوء فهم جهاد له ومن عصبيتها
.........
اما عن تجهيزات سلمى واياد
فطلب اياد من سلمى ان لاتشترى شئ الا بعد الانتهاء من الديكور عشان تتناسب مع العفش
ابو سلمى:يابنتى متفضلش غير 3اسابيع على الفرح مش هنلحق نخلص
سلمى:حاضر هطلبه اشوف خلص نشوف عشان ننزل نشترى ولا لا
ودخل مصعب:سلام عليكم
الاب وسلمى:عليكم السلام
مصعب:هلبس اخرج ااقابل اياد متعرفيش عاوز ايه ياسلمى
سلمى:ومدت شفتها للامام لا
مصعب:ماشى هلبس وانزل
سلمى:مش هتتغدى
مصعب:مش مشكله لو رجعت بدرى هتغدى وانام لان نفسى انام
وذهب مصعب لرؤيه اياد
اياد:اول ماشاف مصعب قام وقف ازيك يادكتور
مصعب:اهلا وسهلا خير شجر ولمون وعزمنى بره ناوى تعمل ايه
اياد:ههههه دايما قافشنى كده
بص يامصعب انا وانت عارفين ان شرعا ان اللى المفروض اجهز كل حاجه
مصعب:عاوز توصل لايه يااياد
اياد:انا خلصت الشقه وخايف افرج سلمى تلاقيها جاهزه كلها تزعل
مصعب:هههه سبحان الله
اياد:فى ايه
مصعب: لا مفيش
بص انا معرفش هى ممكن تزعل ولا لا بس انت غلطان احنا اه ظروفنا على ادنا بس كنا نقدر نجهزها
اياد:والله مش دا اللى قصدته انا بس محبتش اتعبها فى اللف والبهدله والرص والتعب
مصعب:بس حرمتها فرحتها بشرة حاجتها
اياد:طب اعمل ايه
مصعب:والله الكورة فملعبك انا مقدرش اتكلم غير مع بابا وافهمه وجهه نظرك واضغط عليه انه يقبل
اياد:ماشى يامصعب ربنا ييسر
.........
وفى المساء هاتفت سلمى اياد
سلمى:ايوة يااياد بابا مضايق عشان مش نزلنا نخلص الحاجه
اياد:خلاص هاجى بليل واخدكم تشوفو الشقه هى خلصت
سلمى:بجد ياااااا اخيرا بقى وانزل اشترى وانقى
اياد:صمت ولم يجيب
وفى المساء كان مصعب كلم والده فى الموضوع فذهب اياد لاخذهم
الاب:ادخلى البسى انتى ياسلمى
سلمى:حاضر
الاب:شوف كلفت المطبخ كام وحاجه العروسه عشان ندفعهم
اياد:ياعمى اكيد مصعب فهمك ان شرع ربنا اننا اللى اجهز اصلا
الاب:بس انا مصر ادفعهم ولو معجبوش بنتى هشترلها غير هم
اياد:لو معجبوهاش هغيرلها الشقه كلها لو تحب
الاب:اياد احنا موافقناش بيك عشان فلوسك
اياد:لو كنت حسيت للحظه انكم طماعنين فيا او بصين لفلوسى مكنتش كملت الجوازه انا بحب سلمى وكل اللى اتمناه انها تكون مراتى وبس وبالنسبه للعفش انا مقتدر واقدر انفذ شرع الله يبقى ليه منفذوش ودا مفهوش اى تقليل لسلمى بالعكس سلمى هى الجوهره اللى هتزين البيت
وخرجت سلمى :بابا انت لسه ملبستش
الاب:لا ياحبيبتى روحى انتى مع اياد شوفى الشقه وخدى مامته معاكى وانا هستناكى عشان مش قادر اخرج
سلمى:حاضر يابابا
اياد:فى العربيه خدى مامته ليه ؟ ه ليه؟ وطبعا انتى مصدقتى
سلمى:هههههه وانت زعلان ليه
اياد:لا وهزعل ليه فى حاجه حصلت تزعل اصلا
سلمى:ماتقول لنفسك بدال ماانت قاعد تكلم نفسك كده
اياد:طب يااختى اسكتى احسن
وظل اياد طوال الطريق يفكر فى رد فعل سلمى هل ستفرح ام ستغضب
وذهبا الى المنزل
سلمى:انت ضغط على الدورالخامس ليه بابا قال خدى مامته وضغطت على 4
اياد:هههه ماشى يالمضه بس انتى مراتى ه وقرص خدها من فوق النقاب
سلمى:هههههه معرفتش تقرصنى ووصلا الى الباب
اياد:عارفه لولا اننا قدام الباب كنت قرصتك من خدودك الاتنين
سلمى:بطلعلك لسانى على فكره ههههه
اياد:ربنا يشفيكى ياحبيبتى
سلمى دخلت ونظرت ام اياد اليه فاشار بلا ففهمت انها لم تعلم بعد
اياد :يلا يامامانطلع نورى سلمى الشقه
ام اياد: اطلعو انتو وانا هستناكم
سلمى: بابا قال حضرتك تطلعى معانا
ام اياد: حاضر
وصعد ثلاثتهم للشقه ففتح اياد الشقه ودخلت سلمى فرأت شقه مثلما ترى فى الخيال والاحلام شقه متكلفه الهيئه والاساس العفش بسيط كمنظر ويظهر عليه ثمانه المال والاسعار فرأت غير ماتمنت ولكنها لم ترى بعد المفاجأه
فدخلت للمطبخ فوجدت المطبخ والحلل والادوات فنظرت الى اياد
اياد:حبيت اعملهالك مفاجأه يارب تكون عجبتك
سلمى:انا وهى تفتح كل دولاف المطبخ انا مختارتش دا ومشترتوش
اياد:محبتش اتعبك فى اللف والبهدله
سلمى:تعب اه تعب
صح محبتش تتعبنى انقى عفش بيتى ومملكتى محبتش تتعبنى انقى ابسط اساسيات بيتى المطبخ اللى هتحط فيه ليل ونهار حتى المعلقه اللى هاكل بيها حرمتنى اختارها دا حتى اوضه نومى اختارتها انت حتى الدهان حتى السيراميك
اياد:انا مختارتش والله المهندس
سلمى:اه المهندس صح عارف يااياد انا حياتى عمرها ماكانت اتيكيت ومنظره وشكل بيت او لبس انا اتمنيت بيت ابسط من كده بكتيرررر قوى بس للاسف انت حرمتنى حتى من الاختيار حتى اختيارى ليك حرمتنى منه فضلت تلفت نظرى بكل الطرق لحد معلقت قلبى بيك عشان مقدرش ارفضك انا مخترتش اى حاجه
ام اياد:خلاص ياسلمى هنغير كل دا متزعليش
سلمى:روحنى يااياد
اياد:ياسلمى اسمعينى بس
سلمى:بعصبيه وبكاء شديد روحنى بقولك يااياد
اياد:يالا وحاول ان يمسك يدها ولكن شدت سلمى يدها بقوة
ام اياد:لا حول ولاقوه الا بالله
وذهب اياد الى منزل سلمى واسرعت سلمى الى حجرتها واغلقت الباب عليها
مصعب: واضح اللى حصل
اياد:هستاذن انا سلام عليكم
وظل اياد يقود ولا يعلم هل اخطئ فيما فعل ام لا فكان غرضه اسعاد سلمى ليس الا كان هدفه عدم تكلفتها اموال وهو مقتدر
وعاد اياد للمنزل ودخل غرفته واغلقها ايضا وتو ضأ وقام يصلى ويتحدث مع ملك الملك مقلب القلوب ولكن كلمه سلمى حتى مختارتكش لا تفارق اذنه
.........
اما عن جهاد ومصعب فتحاول جهاد مرات عده الاتصال بمصعب فلا يحيب عليها ولا تعرف ماذا تفعل لشكره على ما فعل من اجل اهلها وان تعتذر على ماصدر منها
حتى انها لا تستطيع الاتصال بسلمى فهى تعرف انها مشغوله بالاعداد لحفل زفافها
وضحى تبحث عن عمل ومعاذ وحياتها ككل مشغوله ولا تستحمل ان تشكى لها فهى بهامافيها فقامت وتوضأت وصلت ودعت ربها بان ييسر لها الامور وان يسامحها مصعب عن ما صدر منها
........
مصعب دق على باب سلمى
مصعب:وهو ينظر من فتحه صغيره من الباب ممكن ادخل
سلمى:اشارت له بالدخول
مصعب:عارف انك زعلانه عشان هبل البنات واللف والمرمطه اللى رحمك منها
سلمى:نظرت لمصعب وابتسمت
مصعب:اياد بيحبك يمكن مقدرش يسعدك فى موقف بس بصراحه مجنون وكل مواقفه ومفاجاته جباره
سلمى:ههههه بس بقى يامصعب
مصعب:هو مش قاصد يضيقك زى ماانتى متخيله هو نفسه يسعدك ومش قاصد اننا منقدرش نجهزك هو بس ميعرفش ان البنات بتحب اللف والمرمطه وحب يرحمك منهم
سلمى :هههه بس صعبان عليا نفسى قوووى
مصعب:صحيح الشقه عامله ازاى
سلمى:هههههه عامله يابنى عارف شقق الناس اللى خيالك ميروحلهمش شقه كبيره قوووى ومفروشه بطريقه تبهر لدرجه الاستفزاز
مصعب:عمرى ماشفت كده
سلمى:هههه ولا انا بس من درجه التكلفه والفلوس اللى ظاهره فيها مستفزه تحسها مبهرجه زياده عن اللزوم
مصعب:غيرى فيها المبهرج
سلمى:صراحه انت تبص تتبهر مش عارفه اصلا ااقول وحشه بس متكلفه عارف احساس انك مش بيتك دا فندق
مصعب:هههههه ماشى يافقريه
سلمى:انا اتنرفزت ومشيت وسبته ونتشت ايدى منه
مصعب:نعم نتشتى ايدك منه على اساس انه بيمسك ايدك
سلمى:احمر وجهها ما ماهو يعنى مش حرام ونظرت للاسفل
مصعب:مسك المخده كعادته وخبط سلمى ولما هو مش حرام بتشدى ايدك ليه ه ه ه
وجريت سلمى هربا من ضربات مصعب لها وهو ظل يجرى وراءها وضحكاتهم تتعالى
..........
ام اياد:ادخل
اياد:تعالى ياماما
ام اياد:انت غلطان وانا قلتلك
اياد:وعيناه مدمعتان متخيلتش رد الفعل بالطريقه دى
ام اياد:روح بكره صالحها
اياد:ان شاء الله ربنا يسهلها
اما جهاد فظلت طوال الليل ترسل رسائل لمصعب وترن على هاتفه ولا تجد اجابه منه فقررت الذهاب اليه ومعاتبته
جهاد :ماشى يامصعب ماشى بقى انا ارنلك 25رنه ومتردش وابعتلك 13رساله ولا تعبرنى ماشى يامصعب بس لما اشو فك بس
...........
وفى الصباح وتحديدا فى الحاديه عشر صباحا طرق اياد باب منزل سلمى
سلمى:اياد محدش هنا
اياد:عارف عشان كده جيت
سلمى:وهى تنظر له نظرات استغراب
اياد:بصى ياسلمى انا منمتش من امبارح بدور كلامك فدماغى ولقيته صح انا فعلا ظلمتك من البدايه ظلمتك لما حبيتك وحاولت الفت نظرك ليا باى طريقه ظلمتك لما جهزت بيتك من غير مااخد رائيك بس عاوزك تعرفى حاجه واحده ان فى كل دا حاولت اخليكى تحبينى بس
بس للاسف مقدرش ولا اخليكى تفهمينى ولا اخليكى تحبينى عشان كده ياسلمى اعتبرى كل شئ انتهى ووعد منى مش
مش هحاول حتى ااقرب ليكى باى طريقه من الطرق عن اذنك
سلمى :لم تستطع الرد ولا التحدث لكنها صمتت الى ان ذهب اياد وكانت فى حاله تامه من الذهول
اياد وهى على السلم كانت جهاد هى الاخرى تصعد لرؤيه مصعب
جهاد:طرقت الباب
ففتحت سلمى على امل انه اياد عاد ليعتذر منها فوجدتها جهاد فرتمت فى احضانها وبكت بكثره
وقصة لها ماحدث
وبعد حوالى النصف ساعه فتح مصعب الباب فوجد جهاد ولكن وجد سلمى فى حاله من الانهيار
مصعب:سلمى فى ايه
جهاد:قصه له ماحدث وضع مصعب يده على رأسه ولم يتفوه بكلمه سوى انتى قولتيله انك مختارتهوش
سلمى:اشارة برأسها نعم
جهاد:معلش يامصعب ممكن تروحنى لانى اتأخرت قووى
مصعب:ماشى يالا
وعندما هبطا من المنزل
جهاد:مبتردش على مكالماتى ورسايلى ليه
مصعب:مسمعتش التليفون اصلا
جهاد:صح ماانت لو عارف ان فى كلبه هتحاول تكلمك كنت اهتميت تشوف التليفون فين
مصعب:جهاد فى ايه وايه طريقه الكلام دى
جهاد:مكنتش غلط لكل اللى عملته دا بتشتم بابا قلتلك مسمحلكش حصل ايه يعنى
مصعب:اولا انا مشتمتوش ثانيا الشارع كله بيتفرج علينا وطى صوتك
جهاد:فارق قووى معاك الناس
مصعب:استغفر الله العظيم ياااارب والكاظمين الغيظ والعافين عن الناس يااارب
جهاد:لا لا متكظموش اتكلم قولى بقى كنت عملت ايه لكل دا
وصلا تحت منزلهم وطوال الطريق يحاول مصعب السيطره على اعصابه
وطرقت جهاد باب المنزل فتح والدها
والد جهاد:اتفضل ياابنى
مصعب:شكرا اتفضلى ياهانم
جهاد:انت بتزقنى يامصعب
مصعب:زقيتك فين ياجهاد كفايه بقى وافصلى شويه الدنيا مطارتش لما نسيت افتح صوت التليفون بعد العمليات محصلش حاجه لكل عمايلك دى عموما ياجهاد كل شئ نصيب وتركها مصعب وغادر
ياترى مصعب هيطلق جهاد؟
وسلمى هتقدر تصالح اياد؟
او اياد يصالح سلمى؟
#حورالجنان
#شيماءيوسف
تابعونا
.....
...
..
.
ليست هناك تعليقات:
إرسال تعليق