الحلقه التاسعه عشر
ابو اياد ترك الهاتف ولم يستطع الحديث
الام:اياد ماله ابنى ماله
الاب:اياد عانل حادثه وفى المستشفى
الام:يابنى وقلبها يحترق على ولدها الوحيد
وذهبا الى المشفى وعند سؤالهم
الاب:ابنى جاى فحادثه من شويه هما طلبونا
الممرضه :اه حادثه الكوبرى
الاب:معرفش
الممرضه:لا اله الا الله اسمه ايه ياحج
الاب:اياد اياد لطفى مصطفى
الممرضه :اه هى الحادثه بص ياحج هتروح من هنا التلاجه
الام:التلاجه وغابت عن الوعى
وبعد ان قامت الممرضه بافاقت ام اياد
الممرضه:بصو ياجماعه شايفين الناس دول
الاب:اه
الممرضه كل دول هيشوفو التلاجه لان 3بس اللى نجو من الحادثه
الام:لا ابنى كان لوحده
الممرضه:ياحاجه عربيه نقل كبيره دايسه على عربيتين ملاكى وميكروباصين
الاب:ياالله
الممرضه:وهى تركض دكتور مصعب الحالات فوق فالعمليات
ابو اياد:جرى على مصعب
دكتور مصعب مش فاكرنى مصعب ومن سرعته لانقاذ الحالات فلم يركز فى شى خير ياافندم
ابو اياد:انا انا ابو اياد دكتور لطفى
مصعب:ايوة ايوة خير يادكتور
ابو اياد:وكأن وجد قشه فاحتضن مصعب وبكى بشده اياد اياد عمل حادثه وبيقولو مات او عايش منعرفش
مصعب:وقد رق قلبه لهول المنظر
طيب حضرتك قالولك ايه
ابو اياد:قالولى روح التلاجه الاول اتاكد انه مش فيهم
مصعب :طيب ممكن حضرتك تنتظرنى هنا 10دقايق بس
ابو اياد:حاضر
ودخل مصعب مسرعا الى الداخل واتدى لبس العمليات وسأل عن الحالات الناجيه
مصعب:سلوى الحادثه بتاعت الكبرى كام واحد عاش وشكلهم ايه
سلوى:لحد الوقتى 6 بس يادكتور 3 الحاله متاخره قووى 5فى العمليات وواحد لسه مدخلش مستنين حضرتك حالته اخف من التانين فقدرنا ناخره عنهم عشان مفيش دكاتره كفايه
مصعب:شوفتيهم كلهم
سلوى:اه يادكتور
مصعب:هجبلك صورة وقوليلى فيهم ولا لا
سلوى:حاضر ومضت وراءه ولكن عند باب الاستقبال اوقفها مصعب
مصعب:استنى هنا عشان لو مش فيهم الصدمه تكون اخف
سلوى :حاضر
وخرج مصعب الى ابو اياد معلش يادكتور معاك صورة لااياد
الام مسرعه:اه اه اهى
اخذها مصعب ودخل لسلوى
مصعب:حد من اللى جوه دا
سلوى:اه دا اللى مستنينك تعمله العمليه
مصعب:اللهم لك الحمد
مصعب:متقلقش يادكتور اياد بخير انا معاه هو داخل عمليات واول مايخرج هاجى بنفسى اطمنكم
ام اياد:الله يكرمك ياابنى و يوقفلك ولاد الحلال ياااارب
.............
وفى منزل جهاد
الام:مالك ياجهاد
جهاد:جنبى همووت
الام:برد
جهاد:هموت ياماما
الاب:البسى بسرعه اوديها مستشفى
الام:هعملها نعناع او قرفه وهتبقى كويسه
الاب:سمعتى انا قلت ايه
واخذها والدها الى مشفى خاص بجوار منزلهم
الاستقبال:طيب ثوانى دكتور الاستقبال يجى بس
الاب:يارب وجهاد تبكى
الطبيب:اه لازم اشاعه وتحاليل
الاب:ذهبو مسرعين لعمل الاشاعه والتحاليل
وبعد ساعه من الالم لجهاد والانتظار والاجهاد
الطبيب:اه دى الزايده لازم تعملها حالا
الاب:طيب يادكتور اعملهالها
الطبيب:لا مش. تخصصى وخفض صوته الافضل تروحو مستشفى حكومى هناك دكاتره كتير لان حالتها متاخره وصعبه
الام:يالهوى بنتى هتموت
الطبيب :لو استنت اكتر من ساعتين بالكتير هتموت
الاب:حمل جهاد واسرع الى مشفى حكومى ويااااا لها من دوله رد عليه
. الحارث: لا يااستاذ الاستقبال انهرده فى مستشفى تانيه
الاب اخذ جهاد واسرع اكثر الى تلك المشفى وياااا له من حظ ياجهاد فإن الحادث شاغل كل اطباء الجراحه
الاب:بنتى بتموت لازم تعمل الزايده حالا
الممرضه:بافندم انهرده استقبال وفى حادثه ومفيش ولا دكتور جراحه فاضى اول دكتور يخرج من عمليه بنتك هتدخل
الاب:هتسبوها تموت منكم لله حسبى الله ونعم الوكيل فيكم
الممرضه:بتدعى عليا انا غلطانه انى وقفت افهمك روح لف ببنتك على الكل عشان ترتاح
شروق:بابا مش مصعب دكتور جراحه اكيد يقدر يتصرف
الاب:اه تصدقى وبيشتغل هنا كمان انا هطلبه
ويبحث عن الهاتف فلا يجده ياااربى نسيت التليفون فى البيت
شروق:جهاد تليفونك معاكى
جهاد:اشارت بعينها من شده الالم بلا فهى لا تستطيع الكلام
شروق :طب حافظه رقم سلمى
جهاد:لا
شروق:ولا الارضى انتو بترغو 24ساعه فاليوم مش حافظاه
جهاد مع شده الالم ابتسمت بضعف واشارت اه
شروق:اعطتها هاتفها اكتبى يالا وكتبت جهاد رقم هاتف المنزل
الساعه الرابعه صباحا فيرن الهاتف ولا يصمت استيقذت سلمى مفزعه ووالدها ايضا
ولكن سبقت سلمى الى الهاتف
سلمى:سلام عليكم
شروق:وهى تبكى فحالت جهاد ساءت اكثر مصعب موجود
سلمى:انتى مين
شروق:انا شروق ياسلمى
سلمى:شروق مين
شروق:انا شروق اخت جهاد جهاد بتموت ياسلمى
سلمى:ايه مالها جهاد
شروق :عندها الزايده والحاله صعبه وفالمستشفى ومحدش راضى يعملها العمليه
سلمى :ثوانى اصحى مصعب
ودخلت سلمى فلم تجد مصعب
مصعب مش هنا تقريبا عندك اسالى عنه وهو هيساعدك وانا هطلبه
شروق:ماشى ياسلمى لو رد عرفينى ضرورى
سلمى:هاتف مصعب مغلق
والد سلمى:البسى يابنتى نروح نشوف مالها ونشوف مصعب
وارتدت سلمى ووالدها ووقفت تنتظر مواصله للذهاب ومضى اكثر من ساعه ووصلت سلمى الى المشفى
ولكن جهاد قد فقدت الوعى تماما
سلمى:جهاد ردى عليا ياجهاد
والد سلمى يسرع الى الاستقبال يابنتى انا ابو الدكتور مصعب عاوزه ضرورى
الممرضه:والله ياحج فعمليات انتظر واول مايخرج هبلغه
ابو مصعب:فى عمليات واول مايخرج هيقولوله
وصمت الجميع وجاء شعور للجميع ان جهاد بتموت
وبعد نصف ساعه خرج مصعب مسرع يلتفت على الجميع وهو مرتدى لباس العمليات والدماء تملئ ملابسه
مصعب:بابا خير فى ايه
ابو جهاد:ابوس ايدك بنتى بتموت لازم تعمل الزايده حالا
مصعب:وشرد للحظات اعملها ازاى وانا فكرت فيها يااارب لازم حد غيرى يعملها ولكن استفاق على بكاء سلمى وشروق
ونادى مصعب الى الممرضه حضرى الحاله للعمليات حالا
الممرضه:مفيش حد غيرك يادكتور والله كله لسه فى العمليات
مصعب:ماشى ماشى
الممرضه:هتدخل عمليه بعد اللى كنت فيها داانت فضلت 3ساعات واكتر
مصعب:بعصبيه يعنى اسبها تموت
الممرضه:اسرعت ووضعت جهاد على السرير المتحرك وادخلتها وجهزتها
وفى وقت التجهيز حاول مصعب ان يتصل بعده اطباء زملائه حتى لا يجرى هو العمليه ولكن لاجدوى من ذلك فتمتم مصعب يااارب يااارب
ودخل مصعب للعمليه الثانيه ولكنه نسى ان يطمئن والد اياد فظل الرجل يشعر بلقلق ان ابنها لازال فى العمليات
وبعد مايقارب نصف ساعه خرج مصعب طمئن الجميع على حالات جهاد وتذكر والد اياد وذهب اليه مسرعا وطمئنه
ولكن اياد لازال فى العنايه المشدده فالعمليه صعبه وخطيره
اما جهاد فهى بخير
ودخلت الممرضه بعد قرابه ساعتين وقد جاء وقت نبطشيه مصعب الفعلى فلا يستطيع الذهاب وقد استفاقت ايضا جهاد
الممرضه:ازيك يادكتورة صحتك عامله ايه الوقتى
جهاد:الحمد لله
الممرضه:انا اسفه ياحج انت مقلتش ان بنتك خطيبه دكتور مصعب واعطتها الدواء وخرجت وصاب الجميع الصدمه بما فيهم والد مصعب وسلمى
ودخلت طبيبه وممر ضه اخرى
الطبيبه :سلام عليكم
الجميع:عليكم السلام
الطبيبه:ايه دا دكتور مصعب سايبك ازاى لوحدك كده
الممرضه :تعب ودخل ريح شويه يادكتورة
الطبيبه:سمعت برومانسيه اوضه العمليات مكنتش اعرف ان الملتزمين بيحبو زى الناس
الممرضه:انا شاهد وسمعت كل حاجه
جهاد:سمعتى ايه
الممرضه:وانتى فى البنج اعترفتى بكل حاجه
جهاد:كل حاجه ازاى
وسمع فى الخارج اصوات بكاء شديد فخرج الجميع ليرى ماذا يحدث
........
وقد حضر اسامه الفطور لضحى
اسامه:ماما ماما اصحى بقى عشان انا جعان
ضحى:ههه اه داانت بتتريق بقى
اسامه:لا والله ياقلبى حضرت الفطار لاجمل ماما فى الدنيا
ضحى:انا طخنت قوووى وبقيت باكل كتير جدااا
اسامه:ههههه يالا هنعمل ايه بس بقولك تولدى وتخسى متقوليش اصل مش قادرة ولا بتاع
ضحى:يا سلام داانتو رجاله مفتريه
اسامه:ليه يااختشى
ضحى:يااختشى مش عا رفه انا متجوزه مين
اسامه:هههه دكتور اسامه ياماما
ضحى:هههه حصلنا الرعب والفزع
اسامه:طب كلى يالمضه عشان نروح الجامعه
ضحى: روح انت انا مش قادره
اسامه:ياضحى معتش غير شهر على الامتحانات والوقتى سكاشن استحملى السنه هتخلص ومعتش غير سنه
ضحى:ما انا حبيبى بيحضر مكانى وبيذاكرلى اصل انا تعبانه
اسامه:تعبانه هههه قفشتك ومعتش بتهز
ضحى:هههه ماشى يااسامه لا انا راحه المسجد بصراحه فى درس مش هتتخيل مين بتعطيه
اسامه:زمانها سلمى
ورن هاتف اسامه
اسامه: صالح فينك ياابنى انن نص ساعه واجى
صالح:تيجى فين اياد عامل حادثه وفى المستشفى
اسامه:ايه حادثه ايه وازاى وامتى
صالح:معرفش احنا كنا متفقين نتقابل فالجامعه اتاخر طلبته ابوه رد وقالى
اسامه:انا جاى حالا
ضحى:فى ايه
اسامه:معرفش صالح بيقول اياد عمل حادثه سلام وابقى طمنينى لما ترجعى
ضحى:حاضر سلام
وجلست ضحى امام التلفاز تقلب فى القنوات فلم تجد درس دينى تستمع اليه وهى تقلب وجدت فيلم ممن تحبهم وبعد 5دقائق تذكرت كلام سلمى عن مسح
جميع القنوات باستثناء الدينى والكارتون حتى تتجنب الفتنه
ضحى:والله سلمى معاها حق الواحد كان هيندمج مع الفيلم ويكمله استغفر الله وكمان سلمى قالتلى اصعب الذنوب ذنوب الخلوات ياااارب سامحنى وقامت وبحثت على النت كيفيه اعاده برمجه جهاز الريسفر الخاص بها ومحو قنوات من عليه واثناء محو القنوات طرق الباب فارتدت ضحى اسدال الصلاه وفتحت
ضحى:خالتو وحشتينى
خاله ضحى:انت اكتر كنت هنا جمب البيت انا وسعد وقلنا نعدى نشوفك
ضحى:تعالو اتفضلو بجد وحشتونى قوووى قوووى
خاله ضحى:باحبيبتى وانتى كمان والله فرح سعد كمان شهرين كنا بنشترى حاجات للشقه قلت نيجى نشوف لما لقينا نفسنا جمب البيت
ضحى:دا انتو نورتو ياخالتى والف مبروك ياسعد هقوم احضر فطار بقى نفطر سوا
خاله ضحى:لا يابنتى مش عاوزبن نتعبك واحنا فاطرين قبل مانيجى على طول
ضحى:خلاص لازم تتغدو معانا
خاله ضحى:يابنتى كده هنتعبك قووى
ضحى:تعبكم راحه ودخلت لتهاتف اسامه ولكن الهاتف غير متاح وحاولت مرات عده ولكن لاجدوى
وبعد ثلاث ساعات
ضحى:ارتدت ملابسها
خاله ضحى:لابسه راحه فين
ضحى:مشوار وجايا على طول
خاله ضحى:فين يعنى يابنتى
ضحى:هشترى حاجه وتجى ياخالتى
خاله ضحى:لا ياضحى يابنتى احنا مش جاين
مش جاين نكلفك ونتعبك ابدا مش خارجه
ضحى :لا والله ابدا هاجى بسرعه
خاله ضحى:طيب هتشترى ايه بس
ضحى:اممم هشترى فراخ
خاله ضحى:طيب خليكى وانا هنزل واجى بسرعه
ضحى :ياخالتى مينفعش عشان لو اسامه جه ميزعلش
خاله ضحى:يابنتى هاجى قبل مايجى بدال ماتنزلى وانتى حامل كده
ضحى:طيب متتاخريش ياخالتى
خاله ضحى :ااقولك ادخلى اوضتك واقفلى الباب عشان لو اسامه جه يلاقيكى جوه
ضحى:ازاى ياخالتى يجى يلاقينى فاوضه النوم
خاله ضحى يابت والله ماهتاخر
ونزلت خاله ضحى وظلت ضحى وسعد وحدهم
وبعد قليل فتح اسامه الباب فوجد سعد وضحى وحدهم
ياترى اسامه هيتصرف ازاى مع ضحى؟
وياترى البكاء فى المستشفى كان ليه؟
وجهاد قالت ايه فى البنج؟
#حورالجنان
#شيماءيوسف
تابعونا
....
...
..
.
ليست هناك تعليقات:
إرسال تعليق