الحلقه السادسه عشر
وفى اليوم التالى ذهب مصعب وابوه الى منزل ابو جهاد وهذه المره بدون وجود سلمى
ابو جهاد:السلام عليكم
مصعب ووالده:عليكم السلام ورحمه الله
ابو مصعب:احنا ياحج من غير مقدمات جاين نطلب ايد الانسه جهاد لمصعب ابنى ويشرفنى موافقتكم
ابو جهاد:الشرف لينا ياحج
ابو مصعب:الله يكرمك يااارب طلبتكم ياحج
ابو جهاد:يعنى ياريت تقولولى مقدرتكم وعنده شقه ولا لا
ابو مصعب:هو عنده شقه فى البيت عندنا اوضتين وصاله وان شاء الله هيفرشهم زى ماتطلبو وهيجيب شبكه ب6000 على اده كده خاتمين
ابو جهاد:ازاى الكلام دا دا بنت عمها جيلها شبكه ب50الف لا طبعا بنتى مش اقل من بنت عمها والشقه دى كده صغيره قوووى انت تتصرف فى الشبكه تكون ااقل حاجه 50الف والشقه تاجر شقتك وتاجرلها شقه كبيره حلوة فمكان راقى
مصعب:ياعمى انا لو معايا 50الف هدخل اتكلم فجواز علطول مش خطوبه انا كل مااملك 30الف هجيب الشبكه. عشان اعمل جمعيه واكمل على حق العفش
ابوجهاد:والجمعيه دى بكام
مصعب:ب10الاف
ابو جهاد:انت عاوز تفرش شقه ب34الف بس دا مش مكمل حق اوضه من شقه بنت عمها
مصعب:انا جاى اخطب جهاد مس بنت عمها ودى مقدرتى
وبالنسبه للشقه محدش بيكون عنده ملك وبيأجر
ابو جهاد:والله فكر فكلامى وغير كده كل شئ نصيب
ابو مصعب:طيب ياحج هو ممكن يجيب الشبكه ب10انا هكمله الباقى على 6 بس والله انا مااقدر احطله اكتر من كده
ابو جهاد:والله دى طلباتى قدرتو عليها اهلا وسهلا
مصعب:يالا يابابا
ابو مصعب:يابنى استنى ياحج ابنى دكتور يعنى مستقبله حلو واكيد لما ربنا يكرمه هيعوضها
ابوجهاد:انا مش بجوزها عشان تعيش ااقل من حياتى لا عشان تعلى
مصعب:والله لو العلو اللى حضرتك بتتكلم عليه مادى يبقى انا غلطت فى العنوان عن اذنك
وخرج مصعب وابوه
وإذ بجهاد تفقد الوعى
............
وبعد مرور عده ايام وفى منزل اياد
ابو اياد:انا عرفت البنت ومكان بيتهم وكل حاجه عنها بس اوعى تقولى لاياد اصل يرفض
ام اياد:ه قالولك ايه عنهم
ابو اياد:مفيش ياستى ناس فحالهم ابوها موظف على المعاش وامها متوفيه وليها اخ واحد دكتور ومش متجوز لسه واكبر منها وهى لابسه نقاب وقاعدين فحى شعبى
ام اياد:نقاب امال هو شافها وحبها ازاى وفحى شعبى امال هترفضه ليه
ابو اياد:انا عملت حساب كل الكلام دا وان هيرفضوه عشان فى التعليم يعنى وطلبت الشيخ فتحى وحكيتله وعرفته ميقولش ل اياد وهيجى معايا اقنعهم بالخطوبه بس لسه هطلب ابوها واحدد معاد
ام اياد:ما تطلبه يالا
ابو اياد:دا الساعه 10بليل
ام اياد:ولا عيب ولاحاجه اياد مش هنا واكيد هيرد عليك
ابو اياد:ماشى لما اطلب
ابو سلمى:السلام عليكم
ابو اياد:عليكم السلام الحج محمد الجندى
ابو سلمى:ايوه انا مين معايا
ابو اياد :انا دكتور لطفى صاحب شركات ادويه
ابو سلمى: اهلا وسهلا خير
ابو اياد:انا كنت عاوز ازور حضرتك فى البيت وقت ماتحب
ابو سلمى:تنورنا يادكتور فى اى وقت
ابو اياد:الله يكرمك وان شاء الله لما اجى هتعرف سبب الزياره
ابو سلمى:ان شاء الله تنورنا وقت ماتحب
ابو اياد:ينفع بكره بعد العشاء
ابو سلمى:مينفعش بكره خليها بعده اصل ابنى هيبقى فشغله
ابو اياد:باذن الله هتلاقينا عندك بعد العشاء
ابو سلمى:باذن الله
ويغلق الخط
مصعب: مين يابابا
الاب:والله يابنى مااعرف واحد اسمه دكتور لطفى وعاوز يزورنا
سلمى:هههههه اكيد عروسه جايا تخطبك ياصاصا
مصعب :بطلى ياخفه
وصمت مصعب قليلا ثم قال جهاد عامله ايه الوقتى
سلمى:اممم والله ماانا عارفه يامصعب مش عجبانى خالص ودايما ساكته وحاسه انها مكسورة
ابو سلمى:لا حول ولا قوة الا بالله ابوها كسرها بايده من كتر طلباته
ودخل مصعب غرفته
وبعد قليل خرج يتمشى دون ان يتفوه بكلمه
سلمى:بجد يابابا مصعب وجهاد صعبانين عليا قوووى عمرى ماشوفت مصعب كده اتقدم لاكتر من عروسه واترفض ورفض ومعملش كده ابداااا
وجهاد كمان مامتها وشروق بيقولولى حابسه نفسها فى اوضتها ومبتكلمش حد وخست فى اسبوع خااالص من قله الاكل
الاب:لاحول ولاقوه الابالله
يابنتى ياريت بايدى انا والله كل اللى معايا كان مكافأه الشغل قسمتها بينك انتى واخوكى بنيتله الشقه وشطبتهاله وفلوسك عنتها لجوازك وحتى عمرتى عملت جمعيه من معاشى طلعت بيه مفيش فايدى اى حاجه
سلمى:قامت قبلت ابيها ياحبيبى عارفه والله بس بفضفض معاك
الاب:وظهر على ملامحه الهم والحزن انا هقوم انام شويه
وبعد عده ساعات عاد مصعب الى المنزل ووجد الجميع نيام ولكنه وجد هاتف سلمى فى الخارج فاخذ منه رقم جهاد
ثم دخل غرفته بجوار ابيه ولكن خاف ان يوقظ ابيه فخرج للخارج وظل يفكر ساعه كامله اكلمها لا يامصعب حرام هتنتهك حرمات الله
اممم انا هكلمها بنيه سليمه واقولها لو لينا نصيب هنكون لبعض وتصبر عليا سنه ونص بتوع كليتها واحاول اكون جمعت حق الشبكه
يوووو يامصعب هتستهبل مفيش حاجه اسمها كلام بنيه سليمه ياااا ياااارب ارحمنى طيب انا هسمع صوتها واقفل طب وهستفاد ايه من كده بتعب نفسى وخلاص
يالله يامصعب نسيت غض البصر وتقوى الله يايامصعب انت اكيد
انا اكيد عملت ذنب وربنا بيعاقبنى بيه يااارب متعلقش قلبى بما ليس لى طيب انا هبعتلها مسج وهى متعرفش رقمى بس اكيد هيسعدها
ولم يستطع مصعب السيطره على نفسه الامارة بالسوء وارسل لها رساله قائلا
الله القريب
♥
لن يدعك تبكي
cry رمز تعبيري
طويلاً
سيهبك فرحًا
يُحييّ روحك التي أرهقها اليأسّ
اطلبه حُلمًا وتأكد أنه سَيعطيك حتى ترضى
☺
فكيف لا وقد قال :
{ولسوف يعطيك ربك فترضى}
♥
افرحي بالله
♥
وبعد ارسالها مصعب ايه اللى عملته دا ايه دا يامصعب انت خلاص اتجننت وصدق رسول الله ان
( قال ماتركت بعدى فتنه أضر على الرجال من النساء)
وفى ذلك الليل لم تنم جهاد بعد ففتحت الرساله وقرئتها وابتسمت ياترى دا مين بجد محتاجه الرساله دى قوووى بس مين بعتها معقول مصعب
وهى تحادث نفسها مصعب مين انتى هبله اولا مصعب ملتزم وعارف ان كده حرام وبعدين هيجيب رقمى منين ولكن الرساله اشعرت جهاد بالراحه وقامت توضأت وصلت ودعت الله ان يفرج كربها وييسر امرها
وتوضأ مصعب وصلى ايضا ودعى الله ان يغفر له ويسامحه على مافعل وعاهد نفسه ان لا تتكرر فعلته مره اخرى ولا ضعفه للشهوات ولهوى نفسه وظل ضميره يؤنبه طوال الليل حتى انه لم تستطع عينه ان تغمض تلك الليله
فشعر مصعب بعظم فعلته وعظم ذنبه فى حق الملك وشعر ان لو جهاد علمت فانه سيزيد تعلقها به ويااااا له من شعور بالذنب من نفس تواقه قوامه تاليه ايات الله اناء الليل واطراف النهار ولم يصمت لسان مصعب تلك الليله عن الاستغفار والتوبه الى الله
...........
وفى الصباح ذهبت جهاد مشرقه على غير عادتها الفتره الاخيره
سلمى:وحشتينى
جهاد:ماانا كنت معاكى امبارح
سلمى:لا وحشنى لمضاتك وضحكتك
جهاد:هههه اصل جالى رساله بليل حسستنى كان حد بيطبطب عليكى
سلمى:رساله ايه دى
جهاد:اهى شوفى
سلمى:مش معقول
جهاد:فى ايه ياسلمى
سلمى:ه لا لا مفيش
وعلمت سلمى انه رقم مصعب
سلمى:مشوفتش ضحى من زمان ميتنزلش ولا ايه
جهاد:لا ياستى حامل واسامه بيحضر وياخد لها المحاضرات ويذاكر لها كمان وكمان فرح اخو اسامه قرب فقاعده مع مامته معظم الوقت
سلمى:ماشاء الله ان شاء الله لما اروح هطلبها ابارك لها
وعادت كل من سلمى وجهاد الى منزلهم وعادت جهاد كعادتها تحبس نفسها فى غرفتها ولا تتحدث مع احد ومنذ اسبوع فتحت جهاد الفيس الخاص بها ودخلت عند سلمى فوجدت مصعب معلق لها على بوست ودخلت جهاد من خلاله صفحت مصعب وبدأت تعلق نفسها به اكثر فاكثر
وزادت حاله الكئابه مره اخرى ولكن صدمت جهاد عندما رأت نفس الرساله على صفحه مصعب ووقتها علمت لما استغربت سلمى عند رؤيه الرساله فهذا رقم مصعب
وبدأت جهاد فبكاء شديد فشعرت ولاول مره ان مصعب متعلق بها مثلما متعلقه هى به وظلت تبكى حتى دخلت امها على صوت بكاءها
الام:جهاد حبيبتى مالك بس ايه مزعلك
جهاد:يااااا ايه مزعلنى الرسول قالكم اذا جاءكم من ترضون دينه وخلقه
مقالش ماله ولا شقته ولا حسبه ولا نسبه انتو ظلمتونى وظلمتوه وانا مش مسامحكم والله يااارب انا بريئه من فعلهم هذا وزاد بكاء جهاد
الام:ياحبيبتى احنا خايفين عليكى وعاوزين مصلحتك
جهاد:مصلحتى مع اللى يقربنى لربنا مع اللى اصلى وراه قيامى مع اللى يقولى قرءاتى الاذكار ولا لا مع اللى يفكرنى بالصيام هى دى مصلحتى
الام:جهاد انتى لسه صغيره ومش فاهمه الدنيا
جهاد:وزاد بكاءها بطريقه هستريه ولم تستطع الكلام وللمره الثانيه تفقد الوعى
ولما ياجهاد ولما يامصعب ولما تعلقو قلوبكم بغير الله
..........
وعند ضحى واسامه فإن اسامه من شده فرحته بحمل ضحى فجعلها لم تفعل اى شئ فى المنزل وهما ايضا قائمين فى منزل والدته طوال النهار لقرب زواج اخيه خالد من ابنه خالته
اسامه:ه ياعريس هتنزل امتى تشترى الهدوم
خالد:عندى هدوم كتير مش محتاج
اسامه:ازاى يعنى ياخالد فى عريس مبيشتريش هدوم
خالد:اسامه الله يخليك سيبنى فحالى
اسامه:خالد انت لسه بتحب زهرة
خالد :يااااا زهرة زهرة اتجوزت وخلفت من زمن ياابنى بس عارف يااسامه لاول مره احس ان ربنا مقالش على حاجه حرام غير لسبب وسبب كبير كمان انا وزهرة سيبين بعض من زمان بس حبها جوايا مبيقلش ودايما بقارن سعاد بيها ومهما عملت بقارن بزهرة لو فى نفس الموقف
اسامه:خالد متزعلش منى زهرة بعتك وسعاد بتحبك وبتحاول ترضيك بكل الطرق
خالد:عارف وعشان كده كنت رافض اتجوز عشان مظلمش حد معايا لان قلبى مش بايدى يااسامه
اسامه:يا يااسامه وهتعمل ايه فحياه هتبداءها كده حاول حاول تعيش وتحبها
خالد:ههههت احاول اعيش بالظبط كده
وانهى حوارهم دخول ضحى وهى تحمل بعض الخضروات
اسامه:ايه دا ياضحى انتى بتستهبلى احنا متفقين على ايه
ضحى:ما ما وقاطعتها ام اسامه
ام اسامه:معلش يابنى انا اللى طلبت منها تشتريهم
اسامه:حصل خير ياماما بس انا بخاف عليها
الام؛ربنا يسعدكم يابنى ويرضيكم زى ماانتو بتراضونى كده
رد الجميع اللهم امين
.............
وفى اليوم التالى ذهبت سلمى ولم تجد جهاد فى الجامعه فطلبت سلمى فلم يجيب احد فظنت سلمى ان جهاد نائمه فذهبت سلمى الى مسجد الجامعه فهناك حلقات تقام لتحضر احد الدروس وكان الدرس يتحدث عن ذنوب الخلوات واثرها على القلب فتذكرت سلمى مصعب وجهاد وبكت فلم ترد سلمى ان يقع اخوها فى مثل تلك الفتنه وان تتحرك مشاعر مصعب وان يتأثر بمثل تلك الصورة مصعب الذى لم يفوت مره صلاه فى المسجد ولا قيام ليل ولا يترك صيام ولكنها الفتنه وياااالها من فتنه فانها من اعظم الفتن وعند شرود سلمى وجدت من تتحدث معاها فنظرت سلمى الى الفتاه وشعرت بحاله من الزهول والاستغراب معقول معقول انتى .....
ياترى مين شافت سلمى؟
وياترى جهاد حصلها ايه؟
وياترى اهل اياد هيعملو ايه فمقابله والدها؟
ملحوظه قلب من تحب فى يد من تعصى وقد وقع كل من مصعب. جهاد فى فتنه وهى من اعظم الفتن ولا يجوز شرعا اى محادثه بين رجل وامراءه اجنبيه عنه حتى لا يقغو فى الفتنه مثلما حدث مع مصعب وجهاد فالله لم يحرم شئ الا وفيه خيرا لنا
كما حدث مع خالد فمرت الايام ولم يستطع نسيان زهرة تلك معصيه تولد معصيه فلمثل هذا حرم الله علينا الاختلاط والحديث مع الاجانب عنا
#حور الجنان
#شيماءيوسف
تابعونا
.......
.....
...
..
.
ليست هناك تعليقات:
إرسال تعليق