الحلقه الحاديه والثلاثون ♡الاخيرة♡"عشان انا غيرهم"

الحلقه الحاديه والثلاثون ♡الاخيرة♡

ابو بلال اخذ خديجه وادخلها غرفتها وهى لا تعرف لما غضب بلال 

ابو بلال:متزعليش من اخوكى 

خديجه:بس انا معملتش حاجه يابابا 

ابو بلال:معلش يابنتى يمكن حاجه مضايقه فى شغله

خديجه: حصل خير يابابا ان كنت فرحانه قوووى اول مره احضر فرح فى مسجد 

ابو بلال:معلش 

اما بلال فدخل غرفته واغلق الباب وحاور نفسه 

انت اتنرفزت على خديجه ليه

عشان حسيت نحيتها بحاجه

حاجه ايه ايه الجنان دا انا ولا اعرفها ولا عمرى شفتها ولا اتكلمت معاها

يمكن دا من عند ربنا 

انت اهبل ربنا هيفتن قلبك 

دااكيد عشان عمرى ما كلمت بنات

طب ماطول عمر خديجه بتحكى عن اصحابها عمر ماحصلى كده

انا بس اللى اليومين دول دماغى مشغول بالجواز والحب فبتلكك على اى كلمه 

يااااارب عجل بحلالك يااااارب 

ونام بلال وإذ به يرى فى منامه ان اياد يحمل معاذواخذه منه بلال ونام معاذ على كتفه 

واستيقظ بلال واستعاذ بالله من الشيطان الرجيم 

وحادث نفسه مره اخرى ياااا يابلال انت بتحلم بلموقف اللى حصل قبل كده طب ليه؟

اكيد دى رساله من ربنا

بطل هبل ونام وعاود بلال نومه 

وراء نفس الحلم عده مرات 

وفى نفس الليله ضحى خلدت للنوم بعد انا نام معاذ وإذ بها ترى اسامه من بعيد يلوح لها ثم تجد نفسها تمسك بيد رجل لاتعرفه 

فاقت ضحى من حلمها استغفرت كتير وبكت ونامت تانى 

وتكرر الحلم ايضا عده مرات وكانت ترى نفس الرجل 

ولكن ضحى لم تقص هذا الحلم لاحد وكانت تتمنى ان تنسى هى ايضا تلك الحلم 

ولكن شكل الرجل كان يأتى فى خيالها طوال اليوم 

.....

وفى منزل سلمى وبعد مرور مايقارب الشهر الساعه الثالثه ليلا 

اياد:سلمى ياسلمى قومى 

سلمى:فى ايه يااياد

اياد:قومى نصلى بقى بقالنا كام يوم مصلناش

سلمى:بكره بكره مش قادره ااقوم

اياد:سلمى لو مقمتيش هجيب ازازه واكبها فوقك يالا

استيقذت سلمى اخيرا لتصلى القيام وراء اياد 

واذن الفجر 

وذهب اياد للصلاه وعاد وجد سلمى نائمه 

اياد؛ههههه والله انك هبله ياسلمى تضيعى عمره من ايدك وظل اياد الى الشروق يذكر الله وصلى الضحى ونام قليلا 

والساعه العاشره اعدت سلمى الفطار وايقظت اياد 

سلمى:شكلك زعلان ليه عشان نازل الشغل 

اياد:لا زعلان منك 

سلمى:منى انا ليه

اياد:سلمى انتى مكنتيش كده قبل الجواز انتى كان كل همك قيامك ووردك وجلسه الضحى من يوم مااتجوزنا بشدك شد لاى حاجه نعملها سوا

سلمى:نظرت للاسفل وشعرت بالخجل

اياد:فاكره لما قلتيلى الايه دى 

(يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلادِكُمْ عَدُوّاً لَكُمْ فَاحْذَرُوهُمْ وَإِنْ تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَحِيمٌ *

وفسرتيهالى ان العداوه هى ان الانسان ينشغل بيهم عن عباده الله ياسلمى انا نفسى تكونى زوجتى فى الدنيا والاخره ومسك اياد يد سلمى وقبلها نفسى مسبهاش ابدااااا عشان الايد دى اللى انقذتنى من النار ياسلمى 

سلمى:حاضر وعد والله هرجع زى الاول واحسن كمان

اياد:عموما لو مرجعتيش مفيش شوكولاته اليوم اللى هتقصرى فيه

سلمى :ابتسمت 

وذهب اياد الى عمله 

وحمدت سلمى الله على نعمه عليها فالزوج الصالح نعمه من اعظم النعم ثم بدلت ثيابها وهبطت عند والده اياد 

سلمى:قبلت والده اياد صباح الفل على القمر

ام اياد:صباح الفل عليكى صاحيه بدرى ليه 

سلمى:فطرت اياد وقلت انزل اسليكى شويه

اياد:خرج من الداخل ليه ياحبيبتى انتى كيس لب 

سلمى:انت هنا 

اياد:طبعا وقبل يد امه امال ااقدر امشى من غير مااصبح على ست الكل وذهب اياد الى عمله وتركهم 

....

اما مصعب وجهاد فكان يوميا يذهبون لشقتهم لرؤيه التطورات التى تحدث فيها وانتهت مرحله النقاشه وظل الاثاث 

وذهب مصعب وجهاد وحدهم الى دمياط لشراء الاثاث واختارت جهاد غرفه نوم بسيطه فى هيئتها معقوله فى سعرها كما اختارت غرفه للاطفال وانتريه 

وكان العفش بسيط وراقى 

مصعب:عارفه لسه ايه ياجهاد 

جهاد:ايه

مصعب:عاوز اجيب حاجز كده خشبى واحطه فى اوضه النوم 

جهاد:ههههه اسمه برافان يامصعب وليه بقى الشغل هيوحشك قوووى لد رجه دى

مصعب: هههههه اه عشان اكشف على عقلك ياخيفه

جهاد: لا بجد عاوز برفان تعمل بيه ايه

مصعب:عشان احطه فى حته فاضيه وتكون الحته اللى بعده دا المسجد بتاعنا 

جهاد :الله حلوة قوووى الفكره دى يامصعب

مصعب:ماانتى لو تبطلى لاماضه وتسمعى للاخر كنتى فهمتى 

جهاد : ههههه ماشى ياسيدى خلص بقى انا تعبت

مصعب: تعالى نتغدا الاول ونشرب عصير 

وذهبا وتناولا الطعام ثم ذهبا لشراء البرفان ومن ثم غادرو ومعهم الاثاث وبعد وصولهم الى منزلهم وضعو الاثاث واسرعو الى الذهاب الى منزل جهاد لتأخر الوقت 

وكان كعاده والد جهاد الغضب عليهم 

والد جهاد:وزاى تنزلو تشترو عفشكم لوحدكم دا شغل عيال

مصعب:ماهو انا وجهاد اللى هنعيش فى الشقه فلازم تكون اختيارنا احنا بس

والد جهاد:اه ولا عشان محدش يعرف الاسعار

مصعب:الفاتوره اهى مش فارقه معايا كل واحد بيجيب على اد ظروفه 

والد جهاد:لم يستطع النقاش اكثر من ذلك ومرت الايام مسرعه على مصعب وجهاد فكانت جهاد ترتب كل شئ بنفسها وترفض مساعده احد الا مصعب فكانو يضعون كل شئ بنفسهم وبدون مساعده من احد وانتهت مملكتهم وترتيبها وظل ان تزين بملكتها

وقبل الزفاف بيوم 

مصعب:الوووو الوووو الووو

جهاد:عليكم السلام 

مصعب:ههههه وحشتينى 

جهاد:مصعب الله بطل بقى

مصعب:خلاص خلاص ياستى ماانتى زى مراتى بردك 

جهاد:ههههه والله

مصعب:ايوه ايوه وهتبقى فبيتى بكره وهتنورى حياتى كلها 

جهاد:اشتريت البدله 

مصعب:امممم اه ياستى اشتريتها

جهاد:سلمى جات ولا لسه 

مصعب:هههه سلمى بتنام 24ساعه فى اليوم بسبب الحمل عقبال القمر

جهاد:يااااااارب

مصعب:الله عيب كده ياجهاد بتكسف

جهاد:ااقفل يامصعب ااقفل احسنلك

مصعب:اصلا انا مش فاضيلك 

جهاد:ليه وراك ايه يعنى 

مصعب:رايح الكوافير اصبغ شعرى واشترى اللينسز واعمل بروفا للفستان

جهاد:والله والله ماااشى يامصعب بتتريق عليا

مصعب:هههههه لا ياستى رايح ااكد على بلال يجى الفرح هو واهله واعدى على كام واحد من اصحابى واياد كمان ياستى عازم اصحابه وعاوزنى اروح معاه عشان اعزمهم 

جهاد:ههههههه ماشى ماتقولهم فى الجامع وخلاص 

مصعب:ههه اه ان شاء الله

كان مصعب وجهاد سيقيمون حفل زفافهم فى المسجد مثل سلمى واياد بسبب الظروف الماديه لمصعب ولكن مصعب حضر مفاجأه لجهاد ورتب مع والدها وسلمى دون علمها 

وفى صباح اليوم التالى ذهبت جهاد وشروق وسلمى الى الكوافير

جهاد:هو الفرح فى المسجد افهم انتو بتلبسو فساتين وبتزوقو ليه

سلمى:فرح اخويا الوحيد عاوزه تكبتى فرحتى 

جهاد:هههه لا افرحى ياحبيبتى افرحى والهانم واشارت على شروق

شروق :انا اه حماتى هتبقى موجوده يرضيكى تقول مش هاين عليها تلبس فستان ففرح اختها

جهاد:سلمى لابسه نقاب انما انتى حرام عليكى

شروق :متزوقه بقى واسكتى 

جهاد:ههههههه 

واثناء وجود جهاد فى الكوافير هاتفها مصعب مايقارب 10مرات 

وتأخر مصعب على الموعد المحدد للفرح فهم متفقان ان يذهبو بين المغرب والعشاء لاداء صلاه العشاء فى المسجد والذهاب الى المنزل ولكن اذنت العشاء ولم يحضر مصعب بعد

جهاد:اطلبى اخوكى ياسلمى الناس هيمشو من المسجد

سلمى:لم تهاتف مصعب زمانه جاى 

جهاد:ايه البرود اللى انتى فيه دا 

سلمى:هههه معلش معلش 

وبعد قليل اتا مصعب ومعه سيارات الزفه وصعد اخذ جهاد من الكوافير وهى فى ابهى صورها وتظهر كملكه متوجه على عرش مصعب بفستانها الابيض 

وركبت السياره معه ثم ذهبو الى قاعه للافراح 

فتفاجأت جهاد وزفوها هى ومصعب بالشعل والدفوف الى باب النساء ثم دخلت هى قاعه النساء ودخل مصعب قاعه الرجال

وكان مصعب بالترتيب مع سلمى اتى لها بفرقه للنساء تنشد لها وتفرحها وتراقص الفتيات وابتهج الجميع 

وطلب اياد من سلمى ان تاتى له بمعاذ 

فأخذت سلمى معاذ من ضحى واخرجته ل اياد 

ولكن سمعت ضحى صراخ معاذ المستمر فانتظرت مايقارب الربع ساعه ولا يصمت معاذ ثم اختفى صوت معاذ انتظرت ضحى قليلا فلا تسمع له صوت فظنت انه يبكى بشده الى ان راح صوته فخرجت مسرعه فوجدت بلال يحمل معاذ ونام معاذ على كتفه ولكن الصدمه انه هو ذاك الرجل فى الحلم المتكرر نعم انه هو وقفت ضحى تنظر اليه ولا تستطيع الحراك فنظر اليها بلال وارتجف قلبه ولكنه غض بصره مسرعا

وبعد انتهاء الحفل ذهبت سلمى لتاتى بمعاذ ولكنه مازال نائم على كتف بلال ولم يستطع احد اخذه ذهبت اليه ضحى واخذته وشكرة بلال ولكن كان قلبها يرجف بشده امن هول الصدمه فهو ذاك الرجل ام ان معاذ صمت معه وحده

وعاد مصعب وجهاد الى بيتهم 

وقبل مصعب جبينها ودعا الله ان يبارك لهما وصلى ركعتين شكر لله على نعمه التى لا تحصى 

وبعد مرور ما يقارب شهران ذهب بلال الى مصعب يريد خطبه ضحى فذهبت سلمى وجهاد الى ضحى ولكنها رفضت ولكن لازال الحلم يتكرر معها فوافقت بعد فتره من الزمن بعد الحاح جهاد وسلمى عليها وتكرار الحلم وتم زواج ضحى وبلال 

اما صالح فقد عقد على خديجه ويشعران بسعاده عارمه 

اما عبدالله فقد تزوج من فتاه منتقبه قريبه لله فهى خير زوجه له وهو خير زوج لها

وعن مصعب وجهاد فاصبحت جهاد حامل فى شهرها الثالث

واما عن والد جهاد فعرف مقدار مصعب جيدااا وندم على مافعله به بعد ان راء سعاده جهاد معه

وسلمى واياد سلمى حامل فى شهرها الخامس ومنذ ان اتفقت مع اياد على المواظبه على الطاعات فلا تترك اى طاعه

تم بحمد الله وجزاكم الله خيرا 

#حورالجنان

#شيماءيوسف