الحلقه الثالثه عشر
وفى الصباح شعرت ضحى بقلق على امها وكان اسامه لا يزال نائما فنزلت ضحى الى امها وطرقت عده طرقات ولكن الام لم تجيب فإذا بضحى تصعد مره اخرى لاخذ المفتاح فاخذته وهبطت فشعر بها اسامه فهبط ورائها فإذا بالصاعقه لكليهما ام ضحى توافها الله
واثناء غسل ام ضحى فشردت ضحى فى هم ووحده وفرحه انطفأت وهى فى حاله انهيار تتذكر كل مافعلته امها لها واستفاقت على اخذ الرجال الجثمان للمسجد للصلاه وياااا لها من صلاه لا ركوع ولاسجود ولرب مصيبه تكون منجيه لصاحبها فإن الله لايبتلى ليعذب ولكن ليصطفى ويهذب وكان بجوار ضحى سلمى وجهاد واسامه بالطبع
وبعد اسابيع طلبت ضحى من اسامه ان تزور سلمى وجهاد فاتفق الثلاث بنات ان يتقابلو فى منزل سلمى لان مصعب فى عمله وابو سلمى مسافر للعمره فلا تستطيع سلمى الخروج كثيرا وبالفعل ذهب الفتاتان الى سلمى
ضحى:انا مخنوقه وتعبانه نفسيا قوووى ماما ماتت وسابتنى لوحدى يااا ليه ياارب ليه تعمل فيا كده بس
سلمى:استغفرى ربنا لانك كده بتسخطى على الله
ضحى:يعنى ايه
سلمى:يعنى استغفر الله بتحسى ان ربنا ظالمك وما ربك بظلام للعبيد ياضحى
ضحى:استغفر الله بس مش متخيله حياتى
سلمى:عارفه ياضحى كل حاجه فحياتنا رساله من ربنا ااقولك حاجه ولله المثل الاعلى احنا عاملين زى ام واطفالها ام عندها4اطفال واحد بيفهم من غير كلام اصلا والتانى لازم تبرقله عشان يفهم والتالت لازم صوتها يطلع وتزعق اما الرابع بقى مبيجيش غير بالعصايه فهمه ياضحى
ضحى:اممم مش قوى
سلمى:ياستى دا مثل على علاقتنا بربنا وطبعا لله المثل الاعلى بصى ياسلمى ربنا اكيد بعتلك اكتر من رساله وانتى مفهمتهاش فربنا قرصك باغلى ماعندك عشان تقربى ليه عشان تدعيه عشان تبقى من عباده بجد عباد الرحمن عارفه ياضحى لو قربتى من ربنا هتحبى الابتلاء اكتر من الفرح كمان
ضحى:هحب موت امى
سلمى :لا طبعا بس هتحبى ثوابه هتحبى انك تكتبى من الصابرين هتعرفى ان البلاء دا اصلا بيرفعك درجات فالجنه بيقربك من ربنا بالدعاء فكرى ياضحى لو انتى مكانها كنتى مستعده للقاء الملك
ضحى:مستعده اموت يعنى
سلمى :ايوة طبعا فكرك الموت بيدور على عمر او مرض لا طبعا كام بنت كانت سليمه زى الفل وماتت فاجأه كم شاب مات فاجأه يابنتى العمر بايد ربنا اهم حاجه الاستعداد لقبرك الاستعداد للقاء الملك
ضحى:سلمى انا نفسى اعمل حاجه لماما ومش عارفه اعمل ايه
سلمى :انقطع عمل بنى ادم الا من ثلاث
علم ينتفع به
ولد صالح يدعو له
صدقه جاريا
اعملى صدقه جاريا ليها وادعلها علطول ياضحى
وحاولى تفهمى رساله ربنا
ضحى:انا بصلى والله واسامه معتش بيوافق احط ميك ولا البس غير عبايات
سلمى:المهم مش تكونى عملاها عشان اسامه لا عشان رب اسامه كام واحده بتخاف على زعل زوجها وتلبس اللى عووزه بس هل بتثاب عليه زى االلى لابسه حب فالله
جهاد:انا جعانه وهموووت من الجوع البيت دا مفهوش اكل
سلمى:تعالو نطبخ حتى مصعب زمانه نسى الاكل اصلى بتحجج بالامتحانات وسفى بابا ومقضينها دلفرى ههههه ودخل الثلاث بنات المطبخ
جهاد:لا الوضع دا مش عاجبنى اطلاقا
سلمى :ليه سيتك
جهاد:عاوزه اسمع اناشيد
ضحى:ههه انتى معندكيش دم امى لسه ميته
جهاد:كلنا هنموت وانا هسمع اناشيد ومتخليهاش تطق فدماغى واشغل اناشيد افراح وارقص كومان
ضحى:قادرة وتعمليها
سلمى:خلاص ياكبير هنشغل اناشيد
وشغلت سلمى نشيد
عرفت الهوى منذ عرفت هواك واغلقت قلبى على من سواك
وظل البنات يطهو الطعام وخرجت جهاد لتنظف المنزل وهى تنشد بصوت مرتفع
احبك حبين حب الهوى وحبا لانك اهلا لذاك
وإذ باب المنزل يفتح فجأه
................
عبدالله ومصعب وهم عائدان من العمل
مصعب:ه كملى قصه مارينا واسلامها
عبدالله:كنا وصلنا لفين
مصعب:لحد مادخلت اوضتها تسمع اغانى
عبدالله:تخيل فتحت يوتيوب تبحث عن اغانى ولكن فتحت قرآن فتحت سورة طه
فى اخر السورة( ومن اعرض عن ذكرى فإن له معيشه ضنكا) وخرجت مسرعه لبلال انا هبقى مسلمه هبقى مسلمه واسلمت وبلال اختار ليها اسم خديجه
مصعب:وسابو سوهاج ليه
عبدالله:ياسيدى مارينا طبعا بقت فى الثانوى لما اسلمت لبست حجاب وراحت المدرسه الدنيا اتقلبت واصدقاء بلال عرفو وبلغو بلال يسيب البلد قبل ماحد يبلغ الكنيسه وياخدوهم
مصعب :اه عشان كده بقى بس الحمد لله اهم رجعو عاشو جمبنا كده احسن
عبدالله:ايوة الحمد لله
انت مش ناوى تتجوز يامصعب
مصعب:ههههه مش لما تتجوز انت الاول
عبدالله:انا ظروفى غيرك وانت عارف كده كويس يامصعب
مصعب:اممم ياابنى مش معنى ان اختك اكبر منك متجوزتش انك متتجوزش
عبدالله:الموضوع منهى بالنسبه ليا ياسيدى انا مش عاوز اجرح اختى انت مالك
مصعب:ههه والله سلمى كانت مكلمانى على عروسه من فتره هفتح معاها الموضوع واشوف
عبدالله:ايوه بقى خلينا نفرح ياشيخ
وذهب كلا منهم الى منزله
..............
وعاد مصعب الى المنزل وفتح الباب كالعاده فوجد فتاه تقف وسط صالتهم تتمايل وتنشد احبك حبين حب الهوى وحبا لانك اهلا لذاك فلم يستطع مصعب التحرك ولا الكلام من
الصدمه وفزعت جهاد وظلت تنظر ولاتستطيع الكلام فخرجت سلمى مسرعه على صوت فتحت الباب ف جدت مصعب وجهاد والصمت والهول يظهر عليهم
سلمى:مصعب جيت بدرى
مصعب:ه اه عن اذنكم اسف واتجه بتجاه الباب
جهاد:لا لا يادكتور احنا ماشين اصلا يالا ياضحى واسرعت جهاد ولا تلحق بها ضحى من سرعتها
سلمى:هو حصل ايه
مصعب:وهو يشير للباب مين دى؟
سلمى:دى جهاد العروسه اللى قلتلك عليها
مصعب:هنزورهم امتى
سلمى:هههه بركاتك ياحاجه جهاد بليل هكلمها ونحدد معاد مع اهلها
...................
وبعد صلاه المغرب عادى اسامه من عمله للغداء والعوده مره اخرى ودخل المنزل وجد ضحى لم تبكى كعادتها فى الايام الاخيره
اسامه:ايه القمر دا
ضحى:ابتسمت انت اجمل ياقلبى
اسامه:طب مش هنتغدى
ضحى:ههههه طب كمل جملتين رومانسين على بعض
اسامه:يبقى مطبختيش صح
ضحى:لا طبخت ياسيدى ثوانى وهحضرلك الغدا
اسامه ودخل مع ضحى المطبخ ليساعدها فى اعداد الطعام ه عملتى ايه عند سلمى
ضحى:هههته متفكررنيش يااسامه حصل حته موقف هلكنى من الضحك
اسامه:خير داانا هخليكى تروحى كل يوم لسلمى على كده
ضحى:اسامه هو انا وحشه مع ربنا
اسامه:بصى ياضحى احنا مش ملتزمين احنا عادين قوووى زى كل الناس
ضحى:يعنى ايه
اسامه:عارفه لما بشوف اياد بحس انه شخص غيرنا احلامه وطموحاته غيرنا بحس نفسى اكون زيه فيوم
ضحى:نفس احساسى مع سلمى طب ماتيجى نحاول
اسامه:احنا فين وهما فين ياضحى
ضحى:ليه اياد من سنه واحده كان ازاى وبقى ازاى اهم حاجه نتعلم الدرس
اسامه :خلاص نحاول سوا بس ازاى
ضحى :انت بتصلى وانا بصلى نصلى قيام سوا
اسامه:صعب ياضحى قووى انا باجى من الجامعه على الصيدليه مش هقدر
ضحى:نحاول
اسامه:حاضر هحاول
...............
مصعب :ه مش هتطلبيها
سلمى:اطلب مين
مصعب:سلمى هنستهبل جهاد
سلمى:اه اه نسيت هطلبها اهو هدخل اكلمها
مصعب:لا كلميها قدتمى وافتح الاسبيكر
سلمى:ليه
مصعب:عادى عاوز اعرف الانطباع الاول
سلمى:حاضر بس هعرفها
مصعب:ماشى
سلمى:السلام عليكم
جهاد:عليكم السلام اهلا بالهانم اخويا بيجى متاخر تعالو عندى نبقى براحتنا عيله رخمه عجبك اللى حصل
سلمى:طب اسمعينى طيب
جهاد:اسمع ايه يابلوه انتى
سلمى:مصعب عاوز يتقدملك و وقبل ان تكمل سلمى كلامها
جهاد:بتكلمى جد اخوكى ابو عيون ملونه دا الواد الحليوه دا يانهار اسود هو بصلى انا بجد لا لا بتهزرى هو نظره ضعيف يالهووتى انا ممكن اتجوز دا لا لا مش معقول عارفه ياسلمى لو بتكذبى والله هقتلك
سلمى:على فكره انا فاتحه الاسبيكر يامجنونه
جهاد:لم تسمع سلمى وتركت الهاتف مفتوح وجريت ماما ماما ماما
الام:ايه ياجهاد
جهاد:جايلى عريس دكتور ومووووز عنيه ملونه وملتحى وطويل واشقر يانهار ياماما هموت والله
مصعب :لم يتمالك نفسه من الضحك قائلا متعرفيهاش انى سمعت
سلمى:هههه اعرف مين ياعم انا هقفل لحد ماتفوق وتطلب
وبعد ربع ساعه هاتف سلمى يرن
سلمى:الجنان راح ياهبله
جهاد:يبقى مكنتش بحلم بس هسألك سؤال هو بيشوف
سلمى:وقد خرج مصعب على صوت الهاتف وهى تضحك اه متقلقيش
نيجى امتى يعمل رؤيه شرعيه
جهاد:ليه مش شافنى هيرجع فكلامه ياسلمى
سلمى:ههههههههه لا متقلقيش اصله ضارب زيك ماالطيور على اشكلها بقى فإذ بمصعب يخبطها على راسها فقالت سلمى اه بصوت مرتفع
جهاد:مالك
سلمى :ه مفيش مفيش
جهاد:عموما بابا قال انتو اللى تحددو ونشوف
سلمى:بكره بعد العشا كويس
جهاد:بابا بكره بعد العشا وبعد قليل ماشى هستناكم
...........
وخرجت سلمى بصحبه مصعب لشراء ملابس مناسبه للرؤيه وهديه لجهاد وما يتم اخذه معهم لان غدا سيأتى مصعب على الموعد ولم يستطع الخروج ذهب مصعب وسلمى الى محل ملابس وقامت سلمى باختيار عده ملابس فإذ بها تمسك قميص ومن الجهه المقابله احد يمسك به
فسلمى :قالت لو سمحت انا عاوزه دا
فقال :لها حضرتك انا اختارته الاول
سلمى:يعنى ايه فأتى مصعب مسرعا
مصعب:خلاص اتفضل حضرتك
سلمى:لا انا اختارت دا ورفعت عينيها لذاك الشخص لتراه فإذا به .....
....................
وعلى الجانب الاخر لم يستطع اسامه العوده الى العمل ودخل ينام قليلا وضحى ظلت مستيقظه تفكر فى كلام سلمى قائله سلمى معاها حق ربنا بعتلى رسايل كتير خلانى انا واسامه نتجوز بدرى عشان كانت علاقتنا حرام وسلمى وجهاد كلمو نى اكتر من مره وانا مسمعتش كلامهم وكمان اسامه كلمنى على اللبس والمكياج كتير وانا مفهمتش يبقى انا اللى غبيه ومبفهمش رسايل ربنا ياااربى حتى سلمى وجهاد قالولى نعملك حنه اسلامى ورفضت كل دى رسايل مفهمتهاش وقتها واكيد فى كتير قوووى مش فهماه انا هقوم اصلى واستغفر ربنا كتير واحاول مع اسامه ونبدأ سوا اكيد ربنا بيحبنا عشان نفوق ونقرب ليه كان ممكن نفضل بعاد ومنتاثرش بموت ماما اه صحيح نسيت اكلم مامته اكيد هتزعل الصبح اكلمها بقى يووو انا لسه بتفرج على التليفزيون مش سلمى قالتلك حرام ياضحى برده مش قادره تفهمى بس هى قالتلى حلاله حلال وحرامه حرام صح والمسلسل ده مفهوش مناظر ولا حاجه ضحى فوقى سلمى قالتلك معصيه بتجر معصيه ومتستهونيش بذنب
والذنب اللى تستصغريه عند ربنا بيكون اكبر لانك استهونتى بيه انا هقفل المسلسل ولا انا هقول لاسامه نمسح القنوات دى زى ماسلمى قالتلى عشن مضعفش قدامها تانى وامسح الاغانى اللى على الفون واللاب اممم همسحهم قبل مااكسل اصحى اسامه اعرفه انى همسح القنوات يووو نسيت لما اتوضأ واصلى وعند الوضوء صرخت ضحى بصوت مرتفع وهى تتجه الى اسامه وتوقظه مسرعا
ياترى ضحى يتصحى اسامه ليه؟.
وياترى مين الشخص اللى قابل سلمى؟
وياترى جهاد هتعرف ان مصعب سمعها؟
وهتعمل ايه فى الرؤيه الشرعيه؟
تابعونا
#حورالجنان
#شيماءيوسف
......
....
...
..
جميلة أوي ^^
ردحذف