الحلقه الحاديه والعشرون
ولم يستطع مصعب اقناع والد جهاد على كتابه العقد وقد حددو بعد اسبوع موعد الخطبه فى منزل والد جهاد
يوم الخطبه صباحا
شروق:قومى قومى ياعروسه يدوب نجهزك
جهاد:تجهزى ايه سبينى انام
شروق:يالا عشان نعمل الماسك ونجهزك
وايقظ جهاد ابناء عمها واخواتها
ابنه عم جهاد:ايه دا انتى ازاى كده
جهاد:نظرت فى المرءاه ايه مالى كده
ابنه عمها:معملتيش حواجبك
جهاد:لا مش بعملهم حرام
ابنه عمها:دى خطوبتك هطفشيه
جهاد:هههه هو عاجبه كده اطلعى منها
شروق:طب نشقرهم ياجهاد ومش حرام
جهاد:مش حرام لو لزوجى بس مصعب لسه مش زوجى وكمان كل الناس هتشوفنى لانى مش منتقبه
ابنه عمها:هههه داانتو عقد داانا سمعت انه رفض كمان قراءه الفاتحه الا بدعه الا
جهاد:تصدقى لو كان قراءها كنت شكيت فى التزامه
ابنته عمها:شغلى اغانى يابنتى بدال الشلل دا تحادث شروق
شروق:وقد قامت بفتح اناشيد اسلاميه
جهاد:ايه دا ياشروق انتى بتستهبلى
شروق:ليه دى اناشيد اسلامى
جهاد:فيها موسيقى يعنى حرام
شروق:الله مااسلامى اهو اعمل ايه
جهاد:اكتبى بدون ايقاع
شروق:وقامت بتشغيل الاناشيد وتراقص البنات معا على الاناشيد
وعند اذان المغرب وبعد ان صلت جهاد قامت بارتداء ملابسهاولكن هذه المره ارتدت
عبائه بنى لامعه وخمار ستان لامع وتاج بسيط دهبى وكانت كحوريه رغم انها رفضت ان تضع حتى كحل فى عينيها ولكن ايمانها اظهرها باجمل صورها
وبعد اذان العشاء اتى مصعب واهله واصدقاءه وقد جلس البنات فى غرفه الصالون وبينما الرجال فى الصاله وعند ارتداء الشبكه طلب والد جهاد من مصعب الدخول الى الداخل فدخل مصعب واتت سلمى بالشبكه والبستها هى لجهاد مما اثار جدل بين اهل جهاد جميعا وعندما راى مصعب جهاد لاول مره بلون غير الاسود ولمعت خمارها البراقه وتاجها فقد راى اجمل فتاه فى نظره راى حوريه من الجنه وبعد عده دقائق خرج مصعب عند الرجال
ابنه عم جهاد:هو ليه ملبسكيش شبكتك دى كمان حرام
جهاد:والفرحه تملئ عينها اه حرام
ابنه عمها :ليه بقى ان شاء الله داانتو عقد ومعقدين الدنيا ماكل البنات كده عادى ياعنى حطى مك اب لا حطى برفان لا حتى الشبكه
جهاد:عشان انا غير كل البنات عشان انا غيرهم
انا دره بحجابى واخلاقى
انا جوهره مصونه بحلالى
انا قلبى لؤلؤ ميفتحش صدفته غير بلحلال
عشان انا غيرهم انا قابضه على دينى
عشان انا غيرهم اختارت زوج ياخدنى الجنه
عشان انا غيرهم دنيتى وحياتى شرع الله
عشان انا غيرهم اختارت طريق الجنه
كل دا عشان انا غيرهم ......
وانتهت حفله خطبه جهاد ومصعب وكان جهاد ومصعب لا تسعهم الدنيا فرحا
وعند عوده مصعب الى منزله دخل يصلى ركعتان شكر لله
وبعد قليل رن هاتفه
مصعب:السلام عليكم
المتصل:عليكم السلام الف مبروك يادكتور
مصعب:الله يبارك فيك مين معايا
المتصل:انا اياد سمعت من المستشفى خبر خطوبتك قلت اباركلك و صمت قليلا
مصعب:وتشوف معاد الرؤيه
اياد:ابتسم صراحه اه انا خرجت انهرده الحمد لله من المستشفى
مصعب:اممم طيب ينفع بكره العشا
اياد:تمام
..........
واتى الموعد المنتظر ويا لها من لهفه قلب لاياد لرؤيه محبوبته وليست رؤيتها فقط بل والتحدث معها والتحاوروالنظر اليها ياله من يوم منتظر منذ سنوات وعلى الجانب الاخر سلمى تشعر بتوتر شديد وسعاده ولاتدرى هل توافق لمجرد لهفه قلبها عليه ام لانه حقا سيكون الزوج الذى ياخذ بيدها للجنه وبعد صلاه العشاء طرق مصعب ووالده باب المنزل ولكن هذه المره ليست ككل مره فاياد بصحبتهم ففتحت سلمى مرتديه عباءتها وخمارها ونقابها ايضا
مصعب:السلام عليكم
سلمى :ويظهر الخجل فى صوتها عليكم السلام
مصعب:اتفضل يااياد
ودخل اياد وجلس على كرسى انتريه وبجوراه ولكن ببعد قليل سلمى ومصعب اخذ كرسى خشبى وجلس بعيد قليلا نظرا لضيق الصاله
وجلس كلا من اياد وسلمى فى صمت دائم لا يدرى اى منهم ماذا يقول وماذا يتحدث وعن اى مشاعر يتحدث
وبعد قليل دخل مصعب المطبخ ونادى سلمى سلمى
سلمى:عن اذنك
اياد:اتفضلى
ودخلت سلمى لترى ماذا يريد مصعب منها
مصعب:وضع يده على كتف سلمى ثم رفع نقابها باليد الاخرى قائلا حبيبتى دى اسمها رؤيه شرعيه يعنى حقه يشوفك ويتكلم معاكى كمان الصمت دا ليه اسئليه كل اللى عووزه تعرفيه وانا جمبك ومعاكى واى قرار تاخديه انا معاكى فيه
ازداد وجه سلمى حمره وخجلا وخرج مصعب وبعد قليل لحقت به سلمى ومعها العصير واما والدها فقال لهم انا هدخل حجرتى اقراء وردى اليومى نظرا لاحراج سلمى ووجود مصعب معها
سلمى:اتفضل
اياد:رفع عينيه فإذا بسلمى بدون نقابها فظل ينظر لها نظرات شوق وحنين ولم يستطع ان ينزل عينه من عليها ثم جلست سلمى ولم تستطع الحديث ولا النظر الى اياد
اياد:وبداخله يود ان يتحدث عن كل مشاعره ولهفته عليها ولكنه يعلم انه لايجوز
احم هو انتى مش عاوزه تسالينى عن حاجه
سلمى:عاوزه
اياد:اسالى
سلمى:انت التزمت ليه؟ قالتها بصوت يملئه الخجل والارتباك
اياد:ههه اخر سؤال توقعته بس انتى سبب التزامى
سلمى:يعنى انت التزمت عشانى مش عشان
ربنا
اياد:لا طبعا عشان ربنا بس انتى كنتى سبب من اسباب التزامى بس الفضل لله يمكن حبيت اكتشف العالم الخاص بيكى وحاولت ادخله ولما دخلته حسيت بسعاده عمرى ماحسيتها يمكن ذنب كان سبب هداياتى المهم ايه كمان
سلمى:انت بتحب تسمع لمين ؟
اياد:دروس ولا قرآن
سلمى:الاتنين
اياد:بحب اسمع دروس محمود المصرى وحسين يعقوب وحازم شومان وهانى حلمى واحمد جلال
وقرآن للعجمى والغامدى
سلمى:ماشاء الله ولو عاوز فتوى
اياد:مصطفى العدوى وابن باز اتاكدتى انى ملتزم فعلا مش مظهر
سلمى:ابتسمت لفهم اياد لاسئلتها والغرض منها
طيب راجل هيحافظ ايه عيوبها ومميزاتها
اياد:بصى مفيش انسان بيقدر يوصف نفسه بس انا اكبر عيوبى كان التعلق بس الحمد لله بحاول اعلق قلبى بالله وبس وانا بطبعى هادى بس لما بتعصب بكون غبى وكمان ياستى مجنون شويه وانتى جربتى
سلمى:ابتسمت خجلا وصمتت
اياد:ه كملى
سلمى:اتفضل حضرتك
اياد:حضرتى وهو يبتسم ماشى نفسك بيتك يكون عامل ازاى
سلمى: نفسى بكون بسيط وصغنون كده واحس فيه بدفا الاسره
اياد:اممم لا قصدى الحياه فيه بس عموما موعدكيش بصغنون وبسيط ده
سلمى:اه عاوزاه يكون فيه قيام ليل صيام اتنين وخميس اذكار اه صحيح انا التليفزيون بمسح كل القنوات معادا الكورة والكارتون والدينى وبس
اياد:عادى منجبش تليفزيون وخلاص
سلمى:ليه هو حلاله حلال وحرامه حرام
اياد:طيب ايه احلامك لو لادك
سلمى:احلامى كتير قوووى لولادى
1-اربى شاب او فتاه نشأو فى طاعه الله
2-يكونو من حفظه كتاب الله وحملته والعاملين بيه
3-يكون قلبهم معلق بالمساجد
4-نفسى يوم القيامه لما اقابل ربنا ويسألنى عمرك فيما افنيتيه ومالك فيما انفقتيه ااقدر ارد واقوله يااارب فتربيت خدمه لدينك
نفسى اربى جيل يوقف قدام اى فتنه زى الجبل ميهزوش ريح
اياد:ودمعت عيناه ياااارب نقدر على تربيتهم
سلمى:وانت ايه احلامك لولادك؟
اياد:انا نفسى اخلف ولد يكون همه الدعوة الى الله
نفسى يكون كل همه احياء سنن الرسول
نفسى يكون خادم لدين ربنا بماله بقلبه بروحه بكل ما يملك
نفسى اخلف ولد زى صهيب الرومى كل مااقرء قصته احس اد ايه دين ربنا هان علينا اد ايه اهلى كان كل همهم اكون دكتور وراكب احدث عربيه ومن اغنى الاغنياء طيب وفين اخرتى بقراء قصته بحس انى ولا حاجه
سلمى:قد ربح البيع ابا يحي
اياد : ياالله من اروع القصص
سلمى:طيب شايف ازاى تعلم ولادك يكونو كده؟
اياد:هاخدهم يصلو معايا فالمسجد باذن الله واهم صلاه صلاه الفجر
سلمى :صح كل الناس بيكونو نايمين الا من رحم ربى
اياد:اللهم اجعلنا منهم
سلمى:طيب ايه رائيك فى التعداد؟
اياد: قال سبحانه: (فإن خفتم ألا تعدلوا فواحدة...) [النساء: 3].
قال ابن كثير في تفسيره: فمن خاف من ذلك فليقتصر على واحدة.
وانا مش هقدر اعدل
سلمى:ليه؟ اشرحلى
اياد:بعد كتب الكتاب هشرحلك ان شاء الله
فازدادت حمره وجه سلمى خجلا ولم تستطع الكلام
وبعد قليل ذهب مصعب اليهم اعملكم شاى
فهم اياد تلميح مصعب
اياد:لا هستاذن انا وهطلب حضرتك اشوف الرد كمان يومين
مصعب:ان شاء الله
وذهب اياد وجاء سكون الليل لقاء الاحبه موعد اختلاء كل حبيب بحبيبه واختلت سلمى بحبيبها وقصه له ماحدث مع انه يعلم الغيب والحاضر والمستقبل الا انها لا تشعر بالراحه سوى بالسجود وسرد يومها ومادار فيه وبعد الانتهاء صلت سلمى صلاه الاستخاره وكذلك اياد
............
وفى اليوم التالى اتصل ابو جهاد على مصعب
ابو جهاد:السلام عليكم
مصعب:عليكم السلام ازى حضرتك ياعمى
ابو جهاد:بخير كنا طالبينك نعزمك على العشا معانا انهرده
مصعب:معلش مش هقدر ياعمى عندى شغل
ابو جهاد:خلاص غدا تانى يوم
مصعب:صمت قليلا ثم قال مش هقدر والله معلش اعذرنى
ابوجهاد:ليه خير
مصعب:حضرتك انا حاليا اجنبى عن الانسه جهاد يعنى لا يجوز انى اجى وازورها واكل معاها وكل الحاجات دى فهيكون صعب جدااا عليا انا بحاول احافظ عليها من نفسى انا اتمنى اجى واشوفها بس والله انا خايف عقاب ربنا ليا وليها خايف مغضش بصرى
ابو جهاد:وقد اصابه الزهول طيب براحتك مع السلامه
مصعب:انا اسف ولكن قد اغلق ابو جهاد الخط
ابو جهاد:بعصبيه انا غلطان انى خطبتك ليه دا معقد انا اطلبه اعزمه يعطينى محاضره فى الادب والاخلاق وخايف ميغضش بصره ليه هتعد ادامه بايه انا هبعتله شبكته الموضوع دا مش نافع دااكيد بخيل عشان كده خايف يجى يزورنا ليجيب حاجه وهو جاى مش كفايه وافقنا بظروفه
ومع كل تلك العصبيه الا ان جهاد تنظر الى ابيها سعيده ومبتسمه
ابو جهاد:انتى بتضحكى على ايه انتى كمان
جهاد:عارف يابابا انا مهما حلمت واتمنيت مش هحلم اتزوج واحد زى مصعب ولا فى التزامه ولا فى اخلاقه عارف بجد ربنا عوضنى خير
الاب:انتى مجنونه انتى سامعه نفسك هتفهميه ازاى وهو رافض يتكلم معاكى او يجيلك
جهاد:ما لو حضرتك قبلت نكتب الكتاب هنتكلم ونشوف بعض براحتنا
ابو جهاد:يعنى بيعمل كده عشان يلوى دراعى طيب لو الخطوبه دى كملت وانا مش هكملها مفيش كتب كتاب غير قبل الفرح بيوم
جهاد:يابابا حضرتك المفروض تفتخر باخلاق مصعب
راجل هيحافظ عليا ويتقى الله فيا دا خايف عليا من نفسه
راجل كل همه صلاتى مش طبيخى
راجل همه صلاة قيامنا سوا وسننى
راجل كل همه ازاى يدارينى من عيون الناس حتى من عنيه هو نفسه
ابو جهاد:بلاش تشدد انتو كرهتو الناس فى الدين والالتزام
جهاد:ليه بس يابابا مش انتى اللى قلتلى نفسى اشوفك زيهم فاكر
ابو جهاد:اه زيهم فى اللبس مش فى الفكر اه تحافظى على نفسك مش تتشددى
جهاد:مين قال بس انى متشدده او مصعب متشدد احنا بنخشى غضب الله يابابا انت عارف مصعب رفض يضفنى عنده فى الفيس عشان لسه مش حلاله عارف خايف ربنا لدرجه ايه
عارف مصعب بعتلى كتابين مع سلمى على ضوابط الخطوبه اللى اصلا كلها ممنوع الكلام يعنى بيضغط نفسه
عارف انا كمان عندى مشاعر وبشر وهو كمان بس احنا مستنين الحلال مستنين اول كلمه بحبك وربنا بيباركها وبناخد عليها حسنات مش سيئات مستنين لما ربنا يبارك لنا فحياتنا ويكرمنا بذريه زى صلاح الدين اصل مينفعش يابابا اتمنى اجيب طفل همه دينه واحنا مش شايلين همه
عارف انا اسعد مخلوقه فى الدنيا بخوفه عليا وخوفه من ربنا اسعد مخلوقه ان ربنا رزقنى واحد كل همه رضا ربه وبس واحد يقدر يسيطر على شهواته واحد قافل على قلبه بالضبه والمفتاح وعاطينى المفتاح فايدى
عارف مصعب رجل فى زمن قل فيه الرجال
ابو جهاد:ربنا يهديكى ويشفيكى وبرده مفيش كتب كتاب
جهاد:ولا نعرف ربنا كاتب ايه ههههه
ابوجهاد:مستفزه
جهاد:بحبك والله ياروح قلبى وحياتى هههه شوفت بنتك رومانسيه ازاى
ابو جهاد ابتسم من خفه ظل جهاد
شروق :يااااا ياجهاد بجد عمرى ماسمعت كلام حلو كده اتعلمتيه فين
جهاد:من قلبى ودينى وخشيه الله
شروق:بجد ربنا يرزقنا زيك كده
جهاد:اعملى لرزقك هتلاقيه
شروق:يعنى ايه
جهاد:عاوزه يوسف كونى مريم
ابو جهاد:بت اسكتى وسيبى بناتى فحالهم كفايه عليا واحده متشدده
جهاد:ياااارب
........
وبعد قليل اتصلت سلمى على جهاد
سلمى:السلام عليكم
جهاد:عليكم السلام بالعروره العروره والعرير وسمعنى احلى سلام ياجدع
سلمى:ههههه طيب عاوزاكى تفسريلى رؤيه
جهاد:رؤيه ولا حلم حلم ولا رؤيه
سلمى :رؤيه الاستخاره
جهاد:ه احكى
ياترى ابو جهاد فعلا هيفشكل الخطوبه؟
وياترى سلمى شافت ايه؟
واياد كمان شاف ايه ؟
#حور الجنان
#شيماءيوسف
تابعونا
...
..
.
ليست هناك تعليقات:
إرسال تعليق